डिभाइडरमा मोटरसाइकल ठोक्किदा रत्ननगरका एक युवक गम्भिर घाईते

रत्ननगर । रत्ननगरमा गएराती ८ बजेर ४० मिनेट जांँदा मोटरसाइकल दुर्घटनामा एक युवक गम्भिर घाईते भएका छन । घाईते हुनेमा रत्ननगर नगरपालिका वडा नम्बर ३ तरकारी चोकका आशिष खड्का रहेका छन । जिल्ला प्रहरी कार्यालय चितवनका अनुसार रत्ननगर नगरपालिका वडा नम्बर ९ निपनि चोकमा मोटरसाइकल अनियन्त्रित भई ठोक्किदा खड्का गम्भिर घाईते भएका थिए । उनको टाउको अनुहार, हात , खुट्टा र छातिमा चोट लागेको र अवस्था गम्भिर रहेको प्रहरीले जनाएको छ । हाल उनको चितवन मेडिकल कलेजमा उपचार भईरहेको छ ।