चितवनमा औलोको जोखिम कम : स्थानीय विरामी शुन्य, पांँचजना आयातित

संवाददाता

सोमबार, बैशाख १२, २०७९ मा प्रकाशित

चितवन । चितवनमा चालु आर्थिक बर्ष ०७८,०७९को चैत्र महिना सम्म पांँचजना आयातित औलाका बिरामी फेला पारेका छन । आज विश्व औलो दिवसको अवसरमा भरतपुरमा आयोजित पत्रकार सम्मेलनमा जिल्ला स्वास्थ्य कार्यालय चितवनले उक्त तथ्यांँक सार्वजनिक गरेको हो । कार्यालयका अनुसार कुल २ हजार २४० जनामा गरिएको रक्त परिक्षणमा स्थानीय विरामी को संख्या शुन्य रहेको छ ।
आयातित पांँच जना विरामी मध्ये २ जना प्लाज्मोडियम फाल्सिपारम र ३ जना प्लाज्मोडियम भाईभेक्स जातको औलो रोग लागेको कार्यालयका निमित्त प्रमुख राम केसीले जानकारी दिनुभयो । बिशेषगरी अफ्रिकन मुलक तथा अन्य तेस्रो मुलुकबाट नेपाल भित्रने मानिसमा औलो देखिएको उहांँले बताउनु भयो ।
गर्मीको मौसमसंँगै यो रोगको जोखिम बढेकोले लामखुट्टेबाट बच्न र औलो रोगको लक्षण देखिनासाथ नजिकै स्वास्थ्य चौकी वा अस्पतालमा जान उहांँले आग्रह गर्नुभयो । ‘यो औलो रोग पोथी लामखुट्टे एनोफिलस लामखुट्टेबाट सर्छ उहांँले भन्नु भयो , लामखुट्टेको घनत्व घटाउनुनै औलो निर्मुल गर्नु हो ।’
कार्यालयका अनुसार चितवनमा गत आव ०७७,०७८ मा दुईहजार ६२८ जनामा गरिएको रक्त परिक्षणमा एकजनामा आयातित विरामी फेला परेको थियो भने स्थानीय औलोका बिरामी शुन्य थियो भने, अघिल्लो आव ०७६,७७ मा कुल ६हजार १८ जनामा रगत परिक्षण गरिएको मध्ये ९ जना औलोका विरामी फेला परेका थिए । तीमध्ये आयातित ७ जना र स्थानीय २ जनामा औलोका विरामी फेला परेका थिए । संसारमा ४०० जातका एनोफिलस जातका लामखुट्टे पाईने मध्ये ४३ जातको एनोफिलस लामखुट्ने नेपालमा पाईन्छ ती मध्ये ४ जातले मात्र औलो रोग सार्ने केसीले जानकारी दिनुभयो ।