चितवन। रत्ननगर नगरपालिकाले वडा नं ९ मा निर्माण गरेको होम स्टे सहितको साँस्कृतिक ग्राम सोमबार सञ्चालनमा आएको छ । सोमबार एक समारोहका बीच मेयर नारायण वन र उपमेयर विमला दुवाडीले सयुक्त रुपमा संस्कृतिक ग्रामको उद्घाटन गरेका हुन ।
रत्ननगरको आर्थिक,सामाजिक तथा सांस्कृतिक विकासको लागि नगरपालिका र टिकौली मध्यवर्ती सामुदायिक वनको सयुक्त लगानीमा साँस्कृतिक ग्राम निर्माण गरिएको हो ।े नगरपालिकाले सांस्कृतिक ग्रामको उद्घाटनसंगै सञ्चालनको लागि सामुदायिक वनलाई हस्तान्तरण गरेको छ । सञ्चालनको लागि मेयर नारायण वन र वनका अध्यक्ष इश्वरी प्रसाद लामिछानेले सम्झौतापत्रका हस्ताक्षर समेत गरेका छन् ।
सामुदायिक वनसंग जोडिएको सार्वजनिक जग्गामा नगरपालिकाको १ करोड ६१ लाख र सामुदायिक वनको १४ लाख ५० हजारको लगानीमा विभिन्न जातजातीका सात वटा घर निर्माण गरिएको छ ।
होमस्टेका लागि चेपाङ,थारु,दराई,कुमाल,मुसहर,गुरुङ र तामाङको परम्परागत घर निर्माण गरिएको छ । होमस्टेमा १२ वटा कोठा रहेको र एकैपटक ३७ जना पर्यटकलाई रात बस्न मिल्ने क्षमता रहेको छ । होमस्टेमा भान्साकोठा,डाइनिङ हल,सभाहल समेत रहेको छ । पर्यटन प्रर्वद्धन गरी स्थानीय समुदायको आयआर्जनको लागि होम स्टे सहितको साँस्कृतिक ग्राम निर्माण गरिएको मेयर नारायण वनले बताए ।
स्थानीय आदिवासी जनजातीको पहिचान झल्किने,बहुभाषिक,बहु सांस्कृतिक, बहुजातीय विविधतायुक्त समाजको प्रतिनिधित्व हुने गरी होमस्टे सहितको इको पार्क निर्माण गरिएको हो । सौराहामा आएका पर्यटकलाई होमस्टेमा सेवा प्रदान गरी रत्ननगरलाई पर्यटन प्रर्बद्धनका हिसाबले अब्बल बनाउने उद्देश्य रहेको मेयर वनले बताए । सौराहालाई सिरानी हालेर रत्ननगरका अन्य ठाउँमा पर्यटन गतिविधि बढाउने योजना रहेको उनले बताए ।
सौराहामा आएका पर्यटकलाई साँस्कृतिक ग्राम,मणिखोला पार्क,धर्मधाम जिरौना सम्म लैजाने र पर्यटकको बसाइ लम्ब्याउने दीर्घकालिन योजना अनुुुुसार पर्यटकीय पार्क निर्माण गरिएको उनको भनाई छ । सांस्कृतिक ग्रामबाट भएको आम्दानीको ४० प्रतिशत होम स्टेको स्तरोन्नती गर्ने,४० प्रतिशत सामुदायिक वनको विकास र २० प्रतिशत स्थानीय समुदायको आयआर्जनमा खर्च गर्ने योजना रहेको नगरपालिकाका प्रमुख प्रशासकीय अधिकृत शिशिर पौडेलले बताए । कार्यक्रममा वनका अध्यक्ष लामिछानेले निकुञ्ज भित्रको चाँप कम गर्न स्थानीय सरकारसंगको सहकार्यमा पार्क निर्माण गरिएको बताए । ‘निकुञ्ज आफैमा ठुलो पार्क हो उनले भने पर्यटकीय गतिविधिले निकुञ्जमा चाँप बढी छ,त्यसलाई घटाउन होम स्टे सहितको इको पार्क निर्माण गरिएको हो ।’ लामिछानेले भने ।
कार्यक्रममा उपमेयर विमला दुवाडीले पर्यटन मार्फत स्थानीय समुदायको जीविकोपार्जनलाई सहज बनाउन होम स्टे सञ्चालनमा ल्याएको बताइन ।
परम्परागत संस्कृतिको प्रर्दशन तथा स्थानीय उत्पादनको खपतका हिसावले सांकृतिक ग्रामको उपयोग गर्नुपर्ने बताइन । सोही क्षेत्रमा इको पार्क निर्माणको लागि प्रदेश सरकारले १ करोड ४० लाख रुपैया लगानी गरेको छ । नगरपालिका,सामुदायिक वन र प्रदेश सरकारको सयुक्त लगानीमा होम स्टे सहितको इको पार्क निर्माणको भइरहेको नगरपालिकाका इन्जिनियर पंकज गिरीले जानकारी दिए ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.