चितवन । देशकै नजर पर्ने चितवनको राजनीतिमा अहिले कांँग्रेसले नयांँ नेतृत्व पाएसंँगै चुनावी गतिविधिलाई तीब्र पारेको छ । कार्यकर्ता तथा प्रतिनिधिहरुलाई अभिमुखीकरण, प्रशिक्षण दिदैं कांँग्रेस आगामी निर्वाचनको अभियानलाई तीब्र पारेको हो ।
गत निर्वाचनमा एउटा पालिका प्रमुख र ३५ वडामा विजयी हात पारेको कांग्रेस चितवनले आगामी स्थानीय निर्वाचनमा वर्चश्व कायम गर्ने गरी निर्वाचनमा आक्रामक रुपमा होमिएको छ । कांग्रेसले ९८ वडामा प्रतिनिधि खटाएर चुनावमा होमिएको हो ।
निर्वाचन लक्षित गरेर कांग्रेसले विभिन्न गतिविधि गर्दै आएको भए पनि आक्रामक रुपमा भने बल्ल चुनावी अभियानमा लागेको छ । जिल्ला सभापति राजेश्वर खनाल जिल्लाको स्थानीय तहमा वर्चश्व कायम हुने गरी अभियान थालेको बताउंँछन । उनका अनुसार वडामा खटिएका प्रतिनिधिहरुलाई बिहीबार अभिमुखीकरण प्रशिक्षण गरिएको छ । खनालको भनाईमा ती प्रतिनिधिहरु चैत १२ गते बिहानबाट आ–आफ्नो वडामा खटिने छन् । ‘घर–घर जाऔं, कांग्रेस जिताऔं’ अभियान अन्तर्गत वडा कमिटी, टोल कमिटी, स्थानीय कार्यकर्तालाई परिचालन गरेर उनीहरुले घरदैलो कार्यक्रम गरिने खनालले जानकारी दिए ।
पार्टीका महाधिवेशन प्रतिनिधि, महासमिति सदस्य, जिल्ला कार्यसमितिका सदस्यहरु, प्रदेश प्रतिनिधि र केही बौद्धिक क्षमता भएका पार्टीका बुद्धिजीविहरुलाई वडामा खटाईएको छ । उनीहरुले घरदैलोसँगै वडामा पार्टी र अन्य पार्टीको अवस्थाबारे जितका लागि चाल्नु पर्ने गतिविधि, कदम लगायतका विषयमा पनि अध्ययन गर्ने सभापति खनालको भनाई छ । आजदेखि एकै साथ जिल्लाका ९८ वडामा अभियान शुरु गरिने खनालले जानकारी दिए ।
पार्टीले फागुन २९ गतेबाट जिल्लामा निर्वाचन अभियान शुरु गरेको थियो । चैत १ गते संघीय क्षेत्रमा र चैत ७ गते पालिकामा चुनावी अभियान शुरु गरिसकेको छ । जिल्लामा नेपाली कांग्रेसको क्रियाशील सदस्य संख्या २८ हजार रहेको छ । सात पालिकाको ९८ वडा मध्ये गत निर्वाचनमा कांग्रेसले ३५ वडा जितेको थियो । ईच्छाकामना गाउँपालिकामा अध्यक्ष र उपाध्यक्ष तथा भरतपुर महानगरपालिकामा उपप्रमुख बाहेक अन्यत्र नेतृत्व कांग्रेसले गुमाएको थियो ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.