चितवन । चितवनको भरतपुरमा राष्ट्रियस्तरको एथलेटिक्स हुने भएको छ । भरतपुर महानगरपालिका वडा नम्बर ६, देवनगरको लेक ट्वान्टी थाउजेन्ड फार्म एण्ड रिट्रिट (एलटिके) हवेलीको आयोजनामा चैत १९ गते ‘ट्र्याक एण्ड फिल्ड २०७८’ हुने भएको हो ।
खेलकुदको विकास संँगै कोरोनाबाट थलिएको पर्यटनलाई उकास्न उक्त खेलकुद कार्यक्रम गर्न लागिएको आयोजकले पत्रकार सम्मेलन मार्फत जानकारी दिएको छ ।
एथेलेटिक्सको उर्वर भूमि चितवनमा निजी क्षेत्रको लगानीमा राष्ट्रिय स्तरको प्रतियोगिता हुन लागेको एथलेटिक्सका पूर्व मुख्य प्रशिक्षक सुशील नरसिंह राणाले बताए । यसले चितवनमा राष्ट्रिय स्तरको एथलेटिक्स आयोजनामा जोड पुग्नुको साथै खेलपर्यटनमा पनि टेवा पुग्ने उनको भनाइ छ ।
चितवन जिल्ला एथ्लेटिक्स संघका अध्यक्ष मानबहादुर रजालीले निजी क्षेत्रले गर्न लागेको राष्ट्रिय स्तरको प्रतियोगिताले अलग्गै सन्देश जानुका साथै खेलाडीहरुलाई उत्साह र उर्जा थपिने उनले बताए
राज्यले गर्नुपर्ने कार्यक्रमलाई नीजि क्षेत्रले लिनु खेलक्षेत्रको लागि सुखद बिषय भएको बताए ।
। ‘एलटिके’का प्रबन्धक देवेन लोहनीले खेल र पर्यटनलाई जोड्न प्रतियोगिता आयोजना गरिएको बताए । सस्थागत सामाजिक उत्तरदायित्व अन्तर्गत संस्थाले कुनैपनि आर्थिक लाभ नभईकन खेल प्रर्वद्धनको लागि यो कार्यक्रम गर्न लागिएको लोहनीको भनाई छ ।
प्रतियोगितामा ट्र्याक एण्ड फिल्डका २८ वटा इभेन्ट हुनेछ । जुनियर छात्र तथा छात्रा र सिनियर महिला पुरुष खेलाडीले ट्र्याक एण्ड फिल्डका २८ इभेन्टमा प्रतिस्पर्धा गर्नेछन् । प्रतियोगितामा चितवन सहित बिभिन्न २० जिल्ला तथा तीन विभागीय टोली नेपाल प्रहरी, सशस्त्र प्रहरी बल (एपिएफ) र त्रिभुवन आर्मीका गरी तीन सय खेलाडी सहभागी हुनेछन् ।
जुनियर छात्र छात्रा तर्फ ६० मिटर, दुई सय मिटर, आठ सय मिटरका साथै लङ्गजम्प, सटपुट र तीन किलो मिटर क्रस कन्ट्रीमा प्रतिस्पर्धा हुनेछ । यस्तै सिनियर महिला तथा पुरुषतर्फ ६० मिटर, दुई सय मिटर, चार सय मिटर, आठ सय मिटरका साथै लङ्गजम्प, सटपुट र आठ किलोमिटर क्रसकन्ट्रीमा स्पर्धा हुनेछ । भेटेरानतर्फ महिला तथा पुरुषको पाँच किलोमिटर क्रसकन्ट्रीको इभेन्ट पनि हुनेछ ।
प्रतियोगिताका सबै इभेन्टमा प्रथम हुनेले समान पाँच–पाँच हजार नदगसहित पदक प्राप्त गर्नेछ । दोस्रो र तेस्रो हुनेले क्रमशः नगद तीन हजार र दुई हजारसहित पदक प्राप्त गर्नेछन् । उत्कृष्ट खेलाडीले पनि पुरस्कार प्राप्त गर्ने आयोजकले जानकारी दिएको छ ।
प्रतियोगिता सम्पन्न गर्न २५ लाख ५० हजार खर्च हुने अनुमान गरिएको छ । भरतपुर वडा नम्बर ६ र १३ प्रतियोगिताको सह आयोजक रहेका छन । चितवन जिल्ला एथ्लेटिक्स संघले प्रतियोगिताका लागि प्राविधिक सहयोग गर्नेछ । एलटिकेमा केही समय अघि मात्रै विद्यालय स्तरीय पौडी प्रतियोगिता आयोजना भएको थियो ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.