कामना सेवा विकास बैंकको चितवनमा एकैपटक तीनवटा शाखाबाट सेवा शुरु (तस्वीरहरु)

संवाददाता

बिहिबार, फागुन १९, २०७८ मा प्रकाशित

चितवन। कामना सेवा विकास बैंक लिमिटेडले चितवनका विभिन्न तीन ठाउंँबाट एकैपटक सेवा शुरु गरेको छ । बैंकले चितवनका ग्रामीण क्षेत्रका बैंकिङ्ग सेवाको पहुंँच पुर्याउन आफ्नो सेवा विस्तार गरेको हो । बैंकले चितवनको खैरहनी नगरपालिका वडा नम्बर स्थित पर्सा बजार, ं कालिका नगरपालिका वडा नम्बर ४ स्थित पदमपुरमा र भरतपुर महानगरपालिका वडा नं. २५ स्थित अमृतचोकमा शाखा कार्यालय विस्तार गरेको बैंकका क्षेत्रीय प्रबन्धक सुरेन्द्र भण्डारीले जानकारी दिए । उनका अनुसार बैंकले हालैमात्र सेवा शुरु गरेको र बैंकको औपचारिक शुभारम्भ चैत्र गर्नेछ ।

ग्रामिण क्षेत्रका सेवाग्राहीलाई सर्वसुलभ सेवा दिन र बैंकको पहुंँच पुरयाउन शाखा विस्तार गरिएको क्षेत्रीय प्रबन्धक भण्डारीको भनाई छ ।
बैंकले व्यवसाय विस्तारको क्रममा वृहत शाखा सञ्जाल मार्फत आफ्ना ग्राहकहरुलाई उच्च स्तरको बैंकिङ्ग सेवा सुविधाहरु उपलब्ध गराउँदै आएको र सेवाग्राहीको माग र आवश्यकता अनुसार शाखा थप गर्दै लगेको हो । आगामी दिनमा पनि बैंकिङ पहुंच नपुगेका ग्रामीण क्षेत्र तथा व्यवसायको सम्भावना रहेका अन्य शहरी क्षेत्रहरुमा समेत शाखा विस्तार गर्दै जाने बैंकको लक्ष्य रहेको भण्डारीले बताए ।
े बैंकका यस संगै देशभर १३२ वटा शाखा, १ वटा विस्तारित काउन्टर, ४ वटा शाखारहित बैंकिङ सेवा तथा ७७ वटा एटीएक मार्फत ग्राहकलाई सेवा प्रदान गर्दै आएको छ ।