प्रहरी हिरासतका ४८ जनाको थुनुवाहरुको स्वास्थ्य परीक्षण

संवाददाता

शुक्रबार, फागुन ०६, २०७८ मा प्रकाशित

चितवन । जिल्ला प्रहरी कार्यालय, चितवनको हिरासतमा रहेका ४८ जना थुनुवाहरुको स्वास्थ्य परीक्षण गरिएको छ ।
समुदाय प्रहरी साझेदारी अभियान अन्तर्गत मौसम परिवर्तन सगै आम नागरिकहरुको स्वास्थ्यमा सामान्य समस्या देखिएसंँगै उनीहरुको पनि स्वास्थ्य परीक्षण गरिएको हो । विभिन्न मुद्दाहरुको अनुसन्धानको क्रममा प्रहरी हिरासतमा थुनामा रहेको थुनुवाहरुको स्वास्थ्य अवस्थालाई मध्यनजर गरि परीक्षण गरिएको प्रहरीले जनाएको छ । भरतपुर अस्पतालको समन्वय र सहकार्यमा उनीहरुको स्वास्थ्य परीक्षण शिविर सम्पन्न गरिएको हो ।