११० किलो लागुऔषध गाँजा सहित एकजना पक्राउ अन्य फरार

संवाददाता

मङ्गलबार, माघ १८, २०७८ मा प्रकाशित

मकवानपुर । मकवानपुर प्रहरीले ११० किलो गांँजासहित एकजनालाई पक्राउ परेको छ भने अन्य फरार भएका छन । जिल्ला प्रहरी कार्यालय मकवानपुरका अनुसार
गएराती सांँढे १० बजे ईलाका प्रहरी कार्यालय मनहरीबाट खटिएको प्रहरी टोलीले गस्ती गर्दै जाने क्रममा जिल्ला मकवानपुर राक्सिराङ गा।पा। वडा नं। ५ स्थित कच्ची सडकखण्डमा मानिसहरु शंकास्पद रुपमा पिठ्युँमा भारी बोकी आईरहेको अवस्थामा राक्सिराङ गा।पा। वडा नंम्बर ५ बस्ने राम कुमार प्रजालाई नियन्त्रणमा लिएको हो । उनीहरुले ल्याएको भारी चेकजाँच गर्दा लागुऔषध गाँजा ११० किलो फेला परेकोले प्रजालाई लागुऔषध गाँजा सहित नियन्त्रणमा लिई थप अनुसन्धान भईरहेको प्रहरीले जनाएको छ । गाँजा ओसरपसारमा संलग्न रहेका अन्य व्यक्तिहरुको खोजतलास कार्य भईरहेको छ ।