झोलामा लुकाएर ल्याएको अवस्थामा १० केजी गांँजा सहित एक युवक पक्राउ

संवाददाता

मङ्गलबार, पुष ०६, २०७८ मा प्रकाशित

मकवानपुर । झोलामा लुकाएर ल्याएको अवस्थामा १० केजी गांँजासहित मकवानपुरबाट एकजना युवक पक्राउ परेका छन् । पक्राउ पर्नेमा राक्सिराङ्ग गाउंँपालिका वडा नम्बर ९ का कृष्ण कुमार सुनार रहेका छन् ।
जिल्ला प्रहरी कार्यालय, मकवानपुरका अनुसार सोमबार राती समयमा ईलाका प्रहरी कार्यालय मनहरी मकवानपुरबाट खटिएको प्रहरी टोलीले गस्ती गर्दै जाने क्रममा सांँढे १० बजे मनहरी गाउंँपालिका वडा नम्बर ९ स्थित पूर्ब पश्चिम लोकमार्ग सडकको किनारमा शंकास्पद रुपमा हिडिरहेका सुनार पक्राउ परेका हुन् ।
उनले पिँठ्युमा बोकेको झोलामा लुकाई छिपाई ल्याएको १० किलो १०० ग्राम गांँजा बरामद गरिएको प्रहरीले जनाएको छ । उनलाई नियन्त्रणमा लिई थप अनुसन्धान भइरहेको छ ।