टिकौलीमा बाटो काट्ने क्रममा दुध बोक्ने गाडीले ठक्कर दिंँदा चित्तलको मृत्यु

संवाददाता

मङ्गलबार, कार्तिक ०२, २०७८ मा प्रकाशित

चितवन । टिकौली जंगलमा बाटो काट्ने क्रममा बोलेरो गाडीले ठक्कर दिंँदा चित्तलको मृत्यु भएको छ । पूर्व पश्चिम राजमार्ग अन्र्तगत भरतपुरबाट पूर्वतर्फ गईरहेको बा १० च २७९४ नम्बरको दुध बोक्ने गाडीले आज बिहान सांँढे ८ बजे चित्तललाई ठक्कर दिएको हो ।
अन्दाजी २ बर्षको भाले चित्तललाई उक्त गाडीले ठक्कर दिएको र चालक र गाडीलाई ट्राफिक प्रहरीले नियन्त्रण लिएको चितवन ट्राफिक प्रमुख प्रहरी निरीक्षक भगवानराज थापाले जानकारी दिनुभयो । हाल चित्तल, गाडी तथा चालकलाई जिल्ला वन कार्यालयको जिम्मा लगाईएको थापाले बताउनु भयो । चालकलाई वन ऐन अन्र्तगत कारवाही हुनेछ ।