भोलि (शनिबार) भरतपुर र माडीमा बिहान १० बजेदेखि ४ बजेसम्म विद्युत आपुर्ति बन्द

संवाददाता

शुक्रबार, असोज ०८, २०७८ मा प्रकाशित

चितवन । चितवनमा विभिन्न भागमा भोलि शनिवार विद्युत आपुर्ति अवरुद्ध हुने भएको छ । पुलचोकदेखि गोन्द्राङसम्म सडक विस्तार कार्यको लागि विद्युतका संरचना सार्नपर्ने भएकाले शनिवार दिउँसो विद्युत अवरुद्ध हुने नेपाल विद्युत प्राधिकरण भरतपुर शाखाले जानकारी दिएको छ ।
नेपाल विद्युत प्राधिकरण भरतपुर शाखाका इन्जिनियर राजेन्द्र पौडेलका अनुसार, चनौली सव स्टेशनबाट सञ्चालित माडी, मेघौली देखि शिवघाटसम्म, गितानगर, रामपुर पटिहानी, जगतपुर र टाँडी वितरण केन्द्रका केही भागहरुमा विद्युत अवरुद्ध हुनेछ । शनिवार विहान १०देखि ४ बजेसम्म विद्युत अवरुद्ध हुने उहाँले जानकारी दिनुभयो । मर्मत कार्य चाडैं सम्पन्न भएको खण्डमा आपुर्ति तोकिएको समय भन्दा अघि हुन सक्नेछ ।