आर्सनलले बर्नलीलाई १

आर्सनलले बर्नलीलाई १–० ले हरायो

संवाददाता

शनिबार, असोज ०२, २०७८ मा प्रकाशित

काठमाडौं । इंग्लिस प्रिमियर लिग फुटबलमा आर्सनलले लगातार दोस्रो जित निकालेको छ । शनिबार राति भएको खेलमा आर्सनलले बर्नलीलाई १–० ले हराएको हो ।

बर्नलीको घरेलु मैदानमा भएको खेलमा आर्सनललाई जित दिलाउन मार्टिन ओडेगार्डले निर्णायक गोल गरे । उनले खेलको ३०औँ मिनेटमा गरेको गोल नै टिमलाई जित दिलाउन पर्याप्त भयो ।

जितसँगै आर्सनलले पाँच खेलबाट ६ अंक जोडेको छ । पराजित बर्नली १ अंक जोडेर रेलिगेसन जोनमा छ । लिगको सुरुवातका तीन खेलमा पराजित आर्सनलले पछिल्ला दुई खेलमा जित निकाल्यो ।