मंगलवार अन्य समूहको १ दशमलव शून्य १ प्रतिशत र म्युचुअल फण्डको शून्य दशमलव ५६ प्रतिशत परिसूचक बढेको छ भने बाँकी समूहको घटेको छ । यस दिन होटल्स तथा पर्यटन समूहको सर्वाधिक २ दशमलव ९९ प्रतिशत परिसूचक घटेको हो ।

त्यस्तै लघुवित्तको २ दशमलव ५८ प्रतिशत, निर्जीवन बीमाको २ दशमलव १३ प्रतिशत, उत्पादन तथा प्रशोधनको १ दशमलव ९२ प्रतिशत, बैंकिङ्गको १ दशमलव ६८ प्रतिशत, वित्तको १ दशमलव ६४ प्रतिशत, व्यापारिकको १ दशमलव ५६ प्रतिशत, जलविद्युतको १ दशमलव ५२ प्रतिशत, विकास बैंकको १ दशमलव २९ प्रतिशत, जीवन बीमाको १ दशमलव ८ प्रतिशत र लगानी समूहको शून्य दशमलव ४२ प्रतिशत परिसूचक घटेको छ ।

घटेको बजारमा यस दिन सानिमा लाइफ इन्स्योरेन्सको शेयरमूल्य मात्र उच्च दरमा बढेको छ । उक्त कम्पनीकोे शेयरमूल्य १० प्रतिशत अर्थात प्रतिकित्ता रू. ४१ दशमलव १० ले बढेर अन्तिम मूल्य रू.४५२ दशमलव २० कायम भएको छ ।

मंगलवार आरएमडिसी लघुवित्तको ७ दशमलव ७३ प्रतिशत र रू रू जलविद्युत् परियोजनाको शेयरमूल्य ७ दशमलव शून्य १ प्रतिशत घटेको छ । यस दिन आरएमडिसी लघुवित्तको प्रतिकित्ता रू. १३० दशमलव ५० ले घटेर अन्तिम मूल्य रू. १ हजार ५५८ दशमलव ५० र रू रू जलविद्युत् परियोजनाको प्रतिकित्ता रू. ९८ ले घटेर अन्तिम मूल्य रू. १ हजार ३०० कायम भएको हो ।

सोमवारको तुलनामा मंगलवार कारोबार रकम घटेको छ । पर्ख र हेरको अवस्थाले गर्दा मंगलवार रू. ७ अर्ब ४९ करोड ५८ लाख १२ हजारमा खुम्चिएको छ । सोमवार भने रू. ९ अर्ब ८२ करोड ६२ लाख २२ हजार बराबरको १ करोड ७९ लाख २२ हजार ५८८ कित्ता शेयर कारोबार भएको थियो । कुल कारोबार रकममा सर्वाधिक हिस्सा यस दिन युनाइटेड मोदी हाइड्रोपावरले ओगटेको छ ।

उक्त कम्पनीको रू. ६१ करोड ९२ लाख ९१ हजार बराबरको १० लाख ३९ हजार ६०१ कित्ता शेयर कारोबार भएको हो । शेयर कित्तामा पनि कम्पनीले सर्वाधिक हिस्सा ओगटेको हो ।

सर्वाधिक रकमको कारोबार भएको कम्पनीको शेयरमूल्य पनि ७ दशमलव ७८ प्रतिशतले बृद्धि भएको छ । प्रतिकित्ता रू. ४३ दशमलव ८० ले बढेर कम्पनीको अन्तिम मूल्य रू. ६०७ कायम भएको छ ।