राप्ती नगरपालिका वडा नम्बर ६मा तोडफोड भएपछि अधिवेशन स्थगित, मतदान अधिकृत उप्रेतीमाथि हातपात

संवाददाता

सोमबार, भदौ २१, २०७८ मा प्रकाशित

राप्ती ।नेपाली काँग्रेसको आजदेखि शुरु भएको वडा अधिवेशनको क्रममा पूर्वी चितवनको राप्ती नगरपालिका वडा नं ६ को मतदान केन्द्रमा सोमवार तोडफोड भएको छ ।
वडामा सर्वसम्मत नेतृत्व चयन गर्ने प्रयास भइरहेको बेला पार्टी सभापति शेरबहादुर देउवा निकटका युवाहरुले असन्तुष्टी जनाउंँदै मतदान केन्द्रमा तोडफोड गरेका हुन् । उनीहरुले मतदान अधिकृत रामनाथ ढकाललाई समेत हातपात गरेको काँग्रेसका नगर सभापति नारायण उप्रतीले जानकारी दिए ।
असन्तुष्ट युवाहरुले माइनुट,खातापात च्यात्नुका साथै कुर्ची टेलब टोडफोड गरेको नगर सभापति उप्रेतीको भनाई छ । मतदान केन्द्रमा तोडफोड भएपछि सो वडाको अधिबेशन स्थगित गरिएको छ ।राप्तीमा ९ वटा वडामा सर्वसम्मत नेतृत्व छनौट भएको छ भने ३ वटा वडामा मतदान भएको थियो ।