चितवन । प्रेरणा आवासीय माध्यामिक बिद्यालय भरतपुर –१२ र पुष्पान्जली हस्पिटल प्रा.लि. भरतपुर –१० बीच सम्झौता भएको छ ।
अस्पतालमा आयोजित एक कार्यक्रमका बीच अस्पतालको सबै सेवामा २५% सम्म छुट हुने गरि सम्झौता गरिएको हो । अस्पतालका प्रबन्ध निर्देशक सुजनराज अधिकारी र प्रेरणाका प्रिन्सिपल अविनास अधिकारी ,बरिस्ठ फिजिसियन डा.भोजराज अधिकारी र प्रेरणाका संस्थापक अध्यक्ष मोहन लामा लगायतको उपस्थितिमा सम्झौता भएको हो । कार्यक्रममा बोल्दै डा.भोजराज अधिकारीले पुष्पाञ्जलीले सबै बिरामी र सेवाग्राहीलाई लक्षित गर्दै आरोग्य प्याकेज शुरु गरेको बताउनु भयो । ‘रोग लागेर उपचार गर्ने एउटा पाटो हो भने रोग लाग्न नै नदिने हो भने अस्पतालले आरोग्य प्लान ल्याएको छ । यसलाई उपयोग गर्न सबैलाई आग्रह गर्दछु ।’ डाक्टर अधिकारीले भन्नुभयो ।
अस्पतालले घोषणा गरेको आरोग्य प्याकेज रु १५०० देखि रु ६००० सम्मको प्याकेज रहेको छ । यस सेवामा ओपिडी शुल्क देखि ल्याब र बिशिष्टीकृत सेवा समेत समावेश गरिएको छ । नेपाल सरकारले तोकेको सबै मापदण्ड पुरा गरेर १०० शैयाको सुबिधा सम्पन्न अस्पताल बनेको प्रबन्ध निर्देशक सुजनराज अधिकारीले जानकारी दिनुभयो ।
सम्झौता कार्यक्रममा सूचना अधिकारी यदुनन्दन पौडेल र अस्पतालका सामाजिक सेवा एकाई प्रमुख केदार सुबेदी, मेनेजर ऋषिरमण खनाल नर्सिंग प्रमुख कविता खराल, मिलन सुबेदी लगायतको सहभागिता रहेको थियो । अस्पतालले बैशाख २ गते १७औ वार्षिकोत्सव मनाउनुको साथै अस्पतालमा न्युरो सर्जन डा. कुमार पौडेललाई स्वागत गरिसकेको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.