चितवन । नेपालका लागि एथर ईलेक्ट्रिक स्कुटरको आधिकारिक बिक्रेता वैद्य अर्गनाइजेशनले २०२५ भेरिएण्टका स्कुटर काठमाडौँमा सार्वजनिक गरेको छ । चितवन लगायत देशका प्रमुख शहरमा शनिबार भर्चुअल माध्यमबाट एकसाथ नयाँ स्कुटर सार्वजनिक गरिएको हो । भरतपुरमा पनि एथर ईलेक्ट्रिक स्कुटरको चितवनको लागि आधिकारिक डिलर डाइनामिक इनर्जीले सार्वजनिक गरेको हो ।
एथर ४५० एक्स र ४५० एस सार्वजनिक गरिएको हो । एथर ४५० एक्स अब बहुमोड ट्रयाक्सन
कन्ट्रोलसहित उपलब्ध हुनेछ, जसले यस स्कुटरलाई अझ सुरक्षित, प्रभावकारी र सुविधाजनक बनाएको डाइनामिक इनर्जीकी निर्देशक अनुष्का कार्कीले जानकारी दिईन् । एथरले ल्याएको नयाँ स्कुटरमा तीन मोडमा ट्रयाक्सन कन्ट्रोल, एथर स्ट्याक ६, वृद्धि भएको १६१ किलोमिटरसम्मको आइडिसी रेन्ज र नयाँ कलर अप्सन रहेको छ ।
स्कुटरको रेन्ज सुधार गर्नका लागि नयाँ टायर टेक्नोलोजी प्रयोग गरिएको छ । यसका लागि एथरले एमआरएफसँग सहकार्य गरी नयाँ मल्टी–कम्पाउन्ड टायर विकास गरेको छ, जसले ब्रेक लगाउँदा उर्जा क्षति कम गर्छ र उर्जा खपतलाई अनुकूल बनाउँछ ।
३.७ किलोवाट आवर क्षमताको ब्याट्री भएको एथर ४५० एक्सको वास्तविक रेन्ज १३० किलोमिटर भएको कम्पनीको दाबी छ । आईडीसी अनुसार भने यसको रेन्ज १६१ किलोमिटर छ । त्यसैगरी २.९ किलोवाट आवर क्षमताको एथर ४५० एक्स र ४५० एसको वास्तविक रेन्ज १०५ किलोमिटर छ । आईडीसी अनुसार भने यसको रेन्ज क्रमशः १२६ र १२२ किलोमिटर छ । स्कुटरमा परिस्कृत सफ्टवेयर इन्जिन एथर स्ट्याक ६ प्रयोग गरिएको छ । यसमा गुगल म्याप्स, एलेक्सा भ्वाइस असिस्ट, ह्वाट्सएप, पिङ माई स्कुटर र लाइभ लोकेसन लगायतका सुविधा उपलब्ध छन् ।
नेपाली बजारमा २०२५ मोडलको एथर ४५० एसको मूल्य ३ लाख २४ हजार ९९९ र २.९ किलोवाट आवरको एथर ४५० एक्सको मूल्य ३ लाख ६४ हजार ९९९ र ३.७ किलोवाट आवरको एथर ४५० एक्सको मूल्य ३ लाख ९९ हजार ९९९ रुपैया रहेको छ । कम्पनीले ८ वर्ष वा ८० हजार किलोमिटरको ब्याट्री वारेन्टी र ७० प्रतिशत ब्याट्री हेल्थ ग्यारेन्टी उपलब्ध गराउने बताएको छ ।
वैद्य इनर्जीले नेपालमा २०२३ देखि नै एथर इलेक्ट्रिक स्कुटर बिक्री–वितरण गरेर एथर एक्सपेरियन्स सेन्टर खोलेको थियो । हाल नेपालभर ६ एक्सपेरियन्स सेन्टर, १ टेस्ट राइड जोन, ५ सर्भिस सेन्टर र २१ एथर ग्रिड चार्जिङ स्टेसन रहेको बताइएको छ । वैद्य इनर्जीले एथर रिज्टा इलेक्ट्रिक स्कुटरको बुकिङ समेत खुला गरेको जनाएको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.