चितवन । चितवन सामुदायिक बचत तथा ऋण सहकारी र .र पुष्पाञ्जली हस्पिटलबीच सम्झौता भएको छ ।सहकारीका शेयर सदस्य तथा परिवारका सदस्यहरुलाई उपचार खर्चमा पुष्पाञ्जली हस्पिटलले छुट दिने सम्झौता भएको हो ।
पुष्पाञ्जली हस्पिटल प्रा.लि भरतपुर –१० को तर्फबाट प्रबन्ध निर्देशक सुजनराज अधिकारी र चितवन सामुदायिक बचत तथा ऋण सहकारी लि.का अध्यक्ष दिपक राज खनालले उक्त सम्झौता पत्रमा हस्ताक्षर गरेका छन् ।
सम्झौता पत्रमा सहकारीका सदस्य तथा परिवारको स्वास्थ्य परीक्षणमा २५% छूट गरिएको उल्लेख छ ।
सहकारीका शेयर सदस्य तथा परिवारले प्रयोगशाला परीक्षण, बेड सेवा, इसिजी, भिडियो एक्सरे, सिटी स्क्यान लगायतका सेवाहरुमा पनि उक्त छूट सुविधा पाउने भएका हुन् । यस्तै औषधिमा ७ प्रतिशत छूट सुविधा हुने छ ।
सो क्रममा अस्पतालका वरिष्ठ फिजिसियन डाक्टर भोजराज अधिकारीले जनताको स्वास्थ्यप्रति आफु सधै अस्पताल र आफू गम्भिर रहेको बताए । उनले जनताको स्वास्थ्य परिक्षण कार्यक्रम गाँउ घरमा नै तथा प्याकेजमा अस्पतालमै गरिने बताए । आर्थिक अभावमा पनि सहकारीका सदस्यहरुको उपचारमा अस्पतालले गुणस्तरीय सेवा दिन कुनै कसुर नरहने उनको भनाई छ ।
शहर देखि चितवनका पहाडी क्षेत्रका सदस्यहरूसंग प्रत्यक्ष जोडिएर काम गर्न पाउँदा खुसी लागेको उनले बताए । सहकारीका अध्यक्ष दिपक राज खनालले सहकार्य गर्न पाएकोमा खुसी व्यक्त गरे ।
भरतपुर,कालिका,रत्ननगर पालिकाको दुरर्गमसम्म शेयर सदस्यहरु रहेको अवस्थामा सम्झौताले ठूलो राहत र ऊर्जा मिलेको अध्यक्ष खनालले बताए । रक्तदान, शिबिर,सचेतना,जनतासंग अस्पताल कार्यक्रम लिएर टोल–टोलमा पुगेर सेवा दिदै आएको अस्पतालका सामाजिक सेवा प्रमुख केदार सुबेदीको भनाई थियो । आकस्मिक तथा विशिष्ट सेवाको लागि आपसी समझदारीमा अगाडी बढिने पनि सम्झौता पत्रमा उल्लेख छ ।
गत वैशाख १ गतेदेखि नया ठाउबाट सञ्चालनमा आएको अस्पतालमा सिटी स्क्यान सेवासहित अत्याधुनिक सेवा छन् । एक सय बेड रहेको सो अस्पतालमा विभिन्न विधाका ४० जना विशेषज्ञ चिकित्सकले सेवा दिंदै आएका छन् । अस्पतालले जनतासंग अस्पताल अन्तर्गत स्वास्थ्य शिक्षा निःशुल्क सिवीर तथा छूट सेवा दिंदै आएको छ । सम्झौता कार्यक्रममा साकोसकी सचिब पार्वती खड्का,सहसचीब मैयादेवी काफ्ले, संचालक द्वय दीपेन्द्र पौडेल, श्रीप्रसाद ढुंगाना, ब्यबस्थापक दुर्गा देवी दुरा लगायतको सहभागिता थियो ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.