म्यान्चेस्टर (एजेन्सी), इंग्लिस प्रिमियर लिग फुटबलमा साविक विजेता म्यानचेस्टर सिटीले आर्सनलबिरुद्ध एकतर्फी जित निकालेको छ । शनिबार घरेलु मैदानमा भएको खेलमा सिटीले १० खेलाडीमा सिमित आर्सनलमाथि ५-० गोल अन्तरको फराकिलो जित निकालेको हो ।
सिटीलाई जिताउन फेरान टोरेसले दुई गोल तथा कप्तान इल्काए गुन्डोगान, ग्राबियल जेजुस र रोड्रीले एक एक गोल गरे । सातौं मिनेटमा गुन्डोगानले गोल गर्दै सिटीलाई सुरुवाती अग्रता दिलाएका थिए । खेलको १२ औं मिनेटमा टोरेसले अग्रता २-० को बनाए ।
३५ औं मिनेटमा ग्रानिट जाकाले रातो कार्ड पाएपछि आर्सनल १० खेलाडीमा समेटिएको थियो । ४३ औं मिनेटमा जेजुसले गोल गरेपछि सिटीले पहिलो हाफमा ३-० को अग्रता बनायो ।
खेलको ५३ औं मिनेटमा रोड्रीले गोल गर्दै सिटीलाई ४-० को अग्रता दिए । ८४ औं मिनेटमा टोरेसले व्यक्तिगत दोस्रो गोल गर्दै सिटीलाई ५-० गोलको फराकिलो जित दिलाए ।
जितसँगै सिटीले ३ खेलबाट ६ अंक जोडेको छ । अंक तालिकाको शीर्ष स्थानमा उक्लिएको छ ।
आर्सनलले भने लगातार तेस्रो हार व्यहोरेको छ । ३ खेलमा अंक विहीन रहदै आर्सनल पुछारमा रहेको छ । क्लब इतिहासमै आर्सनलको यो खराब सुरुवात हो ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.