चितवन । प्रथम पिप्ले हासु कप फुटबल प्रतियोगिता असोज ५ गतेदेखि सुरु हुने भएको छ । पिप्ले युवा समाज राप्ती नगरपालिका १ पिप्ले चितवनको आयोजनामा उक्त प्रतियोगिता हुने भएको हो ।
समाजको खेल मैदानमा हुने प्रतियोगितामा १० टिम सहभागी हुनेछन् । जसमा आयोजक पिप्ले युवा समाजसँगै न्यु ज्योति युवा क्लब, हर्दी युवा समाज, मेन्था युथ क्लब मनहरी, सुनचुरी सिम्पानी क्लब, युवा जागृती क्लब र मनकामना युवा क्लब रहेका छन् । यस्तै जेएमटी युथ क्लब भण्डारा, रत्नप्रिय युवा क्लब मनहरी र सुन्दरबस्ती युवा क्लब पनि प्रतियोगितामा सहभागी हुने क्लबका अध्यक्ष अन्जन पाठकले जानकारी दिए ।
असोज २० गतेसम्म सम्म प्रतियोगिताको विजेताले ट्रफीसहित ५० हजार रुपैयाँ प्राप्त गर्नेछ । यस्तै उपविजेताले २५ हजार रुपैयाँ प्राप्त गर्ने पाठकले जानकारी दिए । विधागत उत्कृष्ट खेलाडीहरुलाई पनि पुरस्कारको व्यवस्था गरिएको छ । प्रतियोगिता सम्पन्न गर्न करिब पाँच लाख खर्च हुने आयोजकको अनुमान छ । प्रतियोगिताको तयारी तिव्र गतिमा भईरहेको उनले बताए ।
समाजले स्थापनादेखि नै विभिन्न कार्यक्रमहरु गर्दै आएको छ । युवा लक्षित जनचेतनामुलक कार्यक्रम, रक्तदान तथा सरसफाईलगायतको काम गर्दै आएको उनले बताए । सोही अनुरुप यस पटक फुटबल प्रतियोगिता आयोजना गरिएको उनको भनाई छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.