गोल्डेन ईमिनेन्ट स्टार कप फुटबलको उपाधि प्याराडाइजलाई

संवाददाता

शनिबार, भदौ २२, २०८१ मा प्रकाशित

माडी । गोल्डेन ईमिनेन्ट २९औं स्टार कप खुला नकआउट फुटबल प्रतियोगिताको उपाधि प्याराडाइज युवा क्लब रत्ननगरले जितेको छ ।
माडी स्थित बरुवा खेलमैदानमा भएको फाइनलमा प्याराडाइजले सूर्यपुर फुटबल क्लब कालिकालाई ३–१ ले हराउँदै प्याराडाइज च्याम्पियन बनेको हो । प्रतियोगिताको विजेता प्याराडाइजले उपाधिसहित नगद २ लाख हात पारेको छ । उपविजेता सूर्यपुरले १ लाखसहित ट्रफी, मेडल र प्रमाणपत्रमा चित्त बुझाएको छ ।
स्टार स्पोर्टस युवा क्लब, माडी–१, बरुवा बजार, चितवनको आयोजनामा सम्पन्न भएको प्रतियोगितामा कुल १२ टोलीहरुले सहभागिता जनाएका थिए । प्रतियोगिताको मुख्य प्रायोजकमा गोल्डेन ईमिनेन्ट ईन्टरनेशनल तथा सह प्रायोजकमा नारायणी सामुदायिक अस्पताल रहेको थियो ।