भाटभटेनीको ट्रकले कारलाई ठक्कर दियो: कार चालक घाईते

संवाददाता

शुक्रबार, भदौ ०४, २०७८ मा प्रकाशित

मनहरी । पूर्व पश्चिम राजमार्ग अन्तर्गत मनहरीमा भाटभटेनी सुपरमार्केटको मालबहाक ट्रकले कारलाई ठक्कर दिएको छ । प्रहरीका अनुसार
मकवानपुरको मनहरी गाउँपालिका वडा न. ७ लामाटोलमा आज बिहान ९ बजेतिर नारायणगढबाट हेटौडा तर्फ गईरहेको निजी कारलाई भाटभटेनी सुपरमार्केटको मालबाहक ट्रकले ठक्कर दिएको हो ।
प्रदेश ३–१ ०२२च ३३६७ नम्बरको कारलाई प्रदेश ३–०१ ००३ क ४९४३ नम्बरको ट्रकले ठक्कर दिएको थियो । दुर्घटनाबाट कार चालक समान्य घाइते भएको र पनि कारमा सवार यात्रुहरु सुरक्षित भएको प्रहरीले जनाएको छ ।
ट्रक चालक प्रहरी नियन्त्रणमा छ । भाटभटेनी सुपरमार्केटको मालबाहक ट्रकले बाटो क्रस गर्न खोजेको अवस्थामा कारलाई ठक्कर दिएको प्रहरीको भनाई छ ।