मोटरसाइकल अनियन्त्रित भई पल्टदा तीन जना गम्भिर घाईते

संवाददाता

शुक्रबार, कार्तिक १०, २०८० मा प्रकाशित

चितवन । चितवनमा मोटरसाइकल आफै अनियन्त्रित भई पल्टदा तीनजना गम्भिर घाईते भएका छन । घाईते हुनेहरुमा खैरहनी नगरपालिका वडा नम्बर १०का मोटरसाइकल चालक सुमित महत्तो,पछाडी सवार राप्ती नगरपालिका वडा नम्बर ६ का विज्ञान चौधरी र सोही ठाउंँका पछाडि बस्ने रोशन चौधरी रहेका छन ।
जिल्ला प्रहरी कार्यालय चितवनका अनुसार बिहीबार राती पौने ९ बजे रत्ननगर नगरपालिका वडा नम्बर.७ बद्रेनी स्थित भित्री सडक खण्डमा बद्रेनीबाट हात्तीचोक तर्फ आंउदै गरेको बा.प्र.०६–००१प ४७९० नं.को मो.सा.आंफै अनियन्त्रित हुंंँदा दुर्घटना भएको थियो । उनीहरु सबैको टाउको घांँटी, मुख लगायतका अंगमा गम्भिर चोट लागेको प्रहरीले जनाएको छ । उनीहरुलाई उपचारको लागि भरतपुरको पुरानो मेडिकल कलेज लगिएको छ ।