साथै गाउंँका कच्ची र पहुंँच नपुगेका बाटो पक्की बनाउने पहल गर्ने उनको संकल्प पनि छ । ‘पहिला स्वास्थ्य सेवाबाटनै कामको थालनी गरौं ,त्यसपछि बाटोको स्तरोन्नतिमा पनि मेरो सक्रियता बढ्छ’ उनको योजना यस्तो छ ।

नाताले राष्ट्रपति रामचन्द्र पौडेलका भतिज पर्छन उनी । तर राष्ट्रपतिको घर बेवारिसे फालिएको छ।२०७२ को भुकम्पमा भत्किएको घर पछि बनाउने भनेपनि अहिलेसम्म बन्न सकेको छैन तर उनकै घर संगै बेवारिसे रहेको पुर्खौली घर आफै सम्हालेर मर्मत गर्दै बाटो समेत खोलिसकेका छन् नवीनले । ‘अब हिउदमा सबै काम सकेर बस्ने योजनामा छु हेरौं । मान्छे शहरमुखी हुँदा गाउंँ खाली भयो’ उनको चिन्ता छ ।

पछिल्लो समय विकास गाउंँ नेपाल अधिकांश गाउंँहरु पुगेपनि घरहरू रित्तै र बेवारिसे रूपमा छाडिएका छन् । बस्ती पातलिएको छ ।जमिन उजाड खरवारीमा परिणत भएको तितो यथार्थ त छदैछ । ‘अहिले गाउंँमा बाघ भालु हिड्छन् मानिस शहर पस्ने क्रम रोकिएको छैन’ उनी चिन्तित बन्छन ।
’बिभिन्न सामाजिक सेवाहरू गाउंँ गाउंँमा पुर्याउने अभियानमा छु स्थानीय सबै खुशी छन् । उनी खुशी बाड्छन । गाउँले आफूलाई जन्मायो हुर्कायो चिनायो । तर गाउँ चिन्न नसकेकोमा पश्चाताप लागेको उनी बताउंँछन । तर ढिलै भएपनि आफूले आफ्नो गाउंँलाई चिनेर फर्कदा स्वर्गानुभूति भएको उनले बताउँछन् ।

सामाजिक काममा अघि बढ्न थालेपछि सबै छिमेकी र स्थानीयको मुहारमा खुशी भरिएको छ ।
स्थानीय देवी प्रसाद पौडेल नवीन गाउंँ फर्किदा सबैलाई आशा र भरोषा बढेको बताउँछन् । ‘हामीलाई यस्ता युवा फेरी गाउंँ फर्केर सामाजिक काममा जुट्दा खुशी नहुने कुरै भएन ।’ देवीप्रसादलाई नवीन प्रति पूर्ण विश्वास छ ।

अर्का ६१ बर्षीया मन्जु तिमिल्सेना नवीनको आगमनले रिस्तीमा उत्साह बढेको र स्वास्थ्य चौकी बन्छ भन्नेमा ढुक्क भएको बताईन । ‘एक दशक देखि बन्छ बन्छ भनेर बनेन अहिले स्वास्थ्य चौकी निर्माणमा नवीनले चासो र चिन्ता देखाए । काम पनि शुरु हुन लाग्यो’ उनी उत्साहित हुन्छिन ।
नवीनलाई उत्साह ढाडस र विश्वास दिने छिमेकी भएर होला उनमा काम गर्ने उर्जा र जांँगर उर्लेर आएको छ । त्यसैले त उनी भन्छन, ‘मलाई यही माटोले यहांसम्म ल्यायो, जिन्दगीमा संर्घष र सफल पनि हुन सिकायो । तर मैले यो गाउंँलाई के दिए त नि ?’ आफैलाई प्रश्न गर्छन उनी ।

आफू सञ्चारकर्मका लागि देशभर दौडिएपनि गाउंँको लागि केही समय दिनका लागि जन्मघर फर्केको बताउँछन । ‘काम पनि गरौं, धर्मपनि गरौं विकास पनि गरौं भन्ने उद्धेश्यले म जन्म घर फर्केको हुंँ । यसले गर्दा अरु युवा पनि फर्कन्छन भन्ने मेरो विश्वास छ ।, उनले कुरा टुंग्याए ।

‘अधिकांश नेपाली युवा शहर र विदेश पलायन भएर गाउँ नफर्केको अवस्थामा नवीनजस्ता युवाको सोच र अभियानले विदेशिएका युवालाई पनि एक पटक सोच्न वाध्य बनाएको छ । तर उनकै अनुसरण गर्ने कति होलान त्यो भविष्यमै देखिएला ।’