चितवन । चितवनको भरतपुर महानगरपालिका वडा नम्बर१३ लाई बालमैत्री तथा बालश्रम मुक्त वडा घोषणा गरिएको छ । आवश्यक ५१ वटा सूचकहरु पुरा गरी वडालाई शुक्रबार बालमैत्री घोषणा गरिएको हो ।
भरतपुर महानगरपालिका प्रमुख रेनु दाहालको प्रमुख आतिथ्यतामा एक समारोहका बीच बालमैत्री तथा बालश्रम मुक्त वडा घोषणा गरिएको थियो । २०७६ सालमा भरतपुर–१४ लाई बालमैत्री वडा घोषणा गरिएको थियो । भरतपुरलाई बालमैत्री नगर बनाउन २०६८ सालदेखि नै अभियान थालिएको हो । आर्थिक वर्ष ०८३÷०८४ मा महानगरपालिकालाई बालमैत्री महानगरपालिका घोषणा गर्ने लक्ष्य लिइएको छ ।
प्रमुख अतिथि महानगरपालिका प्रमुख दाहालले वडाका अध्यक्ष प्रकाश दवाडीलाई घोषणा प्रमाण–पत्र हस्तान्तरण गर्नुभयो । सो अवसरमा नगर प्रमुख दाहालले सिङ्गो महानगरपालिकालाई बालमैत्री महानगरपालिका घोषणा गर्ने अभियान जारी रहेको उल्लेख गर्नुभयो ।
भरतपुर महानगरपालिकाले मानव विकास सूचाङ्कलाई अगाडि बढाउनु पर्छ भनेर भौतिक पूर्वाधार मात्र होईन सबै क्षेत्रलाई दीगो विकासको लक्ष्यअनुसार अघि बढाईरहको प्रमुख दाहालको भनाई थियो ।
भरतपुरमा बालबालिकाविरुद्ध हुने सबै खाले हिंसाहरु, यातनाहरु, भेदभाव, शोषणबाट मुक्त गराई सभ्य, सुन्दर र समृद्ध महानगर बनाउन प्रतिवद्ध रहेको बताउनुभयो ।
भरतपुरलाई बालमैत्री बनाउन सडक मानवमुक्त पहिलो महानगर, पिटुसिटु, अटिजम विद्यालय, आधा दर्जन विद्यालयमा स्रोत कक्षालगायतको कार्य गरी बालमैत्रीतर्फ उन्मुख हुँदै गएको बताउनुभयो ।
कार्यक्रमलाई सम्बोधन गर्दै उपप्रमुख चित्रसेन अधिकारीले बालमैत्री वडा कायम राख्न सबै पक्षले विशेष चासो र चिन्ता लिनुपर्ने बताउनुभयो ।
उपप्रमुख अधकिारीले घोषणा गर्ने तर व्यवहारमा फरक हुने परम्परा रहेको भन्दै सबै वडावासी जिम्मेवार बन्नु पर्ने बताउनुभयो । बालमैत्री घोषणासँगै थप चुनौती थप उहाँको भनाई छ ।
प्रमुख जिल्ला अधिकारी सुरेन्द्र पौडेलले बालमैत्री घोषणा गरेर यसलाई कायम राख्न सधै सबै पक्ष क्रियाशिल हुनुुपर्ने बताउनुभयो ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.