त्यसपछि २९ गते नेपालगञ्जको रङ्गशालामा, पौष ३ गते धनगढी रङ्गशाला, ६ गते सुर्खेतको खुल्लामञ्च, ९ गते बुटवलको कालिका मानवज्ञान मावि सेक्टर २ (रामनगर) मैदान, १२ गते पोखराको प्रदर्शनी केन्द्रमा नेपथ्यउ गुञ्जिने छ ।

अन्तिम कार्यक्रमको रुपमा अङ्ग्रेजी नयाँ वर्षको अघिल्लो रात ‘न्यू इयर इभ’ को दिन पौष १६ गते काठमाडौँको भृकुटीमण्डपमा हुनेछ । कार्यक्रमको टिकट बुकिङ शुरु भएको र नजिकका आश्रम कार्यालयबाट टिकल लिन सकिने छ ।

चितवनसहित नेपालकै सडकपेटीमा खाना, नाना, र छानाको अभावमा रहनुपर्ने बाध्यताको अन्त्य गर्ने संकल्पका साथ एक दशक अघि स्थापना भएको आश्रमले देशका विभिन्न १९ जिल्लामा सेवा केन्द्र स्थापना गरी असहाय तथा बेसहाराहरुको उद्धार गरी आश्रय दिँदै आएको छ ।

उक्त अभियानलाई पूर्णता दिन चितवनबासी तथा देश विदेशमा रहनुभएका परोपकारी मनहरुले खुलेर योगदान गर्ने अपेक्षा रहेको आश्रमले जनाएको छ ।

मानवसेवा आश्रम नितान्त दाताहरुको स्वेच्छिक सहयोग र स्थानीय सरकारको आंशिक सहयोगमा सञ्चालित छ । यसमा व्यक्तिहरुले स्वेच्छाले विशेष पर्व एवं अवसरहरुमा नगद वा जिन्सी सहयोग गर्न सक्ने आश्रमले जनाएको छ ।

यस्तो छ चितवन आश्रमको अबस्था…

हाल मानवस्ोव आश्रम चितनवनको भवन निर्माण कार्य आर्थिक अभावका कारण रोकिएको छ । तर पनि भाडाको घरबाट छुटकारा गराई आश्रमको आफ्नै निर्माणाधीन भवनमा लक्ष्मी नारायणहरुलाई राखिएको छ ।
आश्रमको प्रसाशन भवन, नारायण भवन (पुरुषहरु बस्ने घर) सम्पन्न भएको छ भने लक्ष्मी भवन –महिलाहरु बस्ने घर) निर्माणाधीन अवस्थामा रहेको छ । भवन निर्माण सम्पनन गर्न एक करोड ६० लाख लाग्ने अनुमान छ ।

भरतपुर महानगरपालिका–३ बेलचोक नारायणगढ (भृकुटी बोर्डिङ स्कुल अगाडि) समाजसेवी स्व. भगवानदास श्रेष्ठको परिवारले दिनुभएको ८ गठ्ठा क्षेत्रफलमा बन्दै गरेको भवन निर्माण सम्पन्न भएपछि १०० लक्ष्मी नारायणलाई राख्न मिल्ने छ । हाल भने ६५ आश्रित छन् ।