ईन्धन ट्यांकरको ठक्करबाट मोटरसाइकल चालक हेटौंडाका युवाको मृत्यु, पछाडि सवार घाईते

संवाददाता

मङ्गलबार, कार्तिक ०८, २०७९ मा प्रकाशित

चितवन । चितवनमा ईन्धन ट्यांकरको ठक्करबाट मोटरसाइकल चालकको मृत्यु भएको छ । मृत्यु हुनेमा झापा घर भई हेटौंडा उपमहानगरपालिका वडा नम्बर ११ बस्ने बर्ष २६का सुमन लुईटेल रहेका छन ।
जिल्ला प्रहरी कार्यालय चितवनका अनुसार आज सांँझ ५ बजेर २५ मिनेट जांँदा पूर्व पश्चिम राजमार्गमा पूर्वबाट पश्चिमतर्फ गईरहेको ना ८ ख २५२५ नम्बर ट्यांकरले सोही दिशातर्फ जांँदै गरेको ना ३५ प ८७५६ नम्बरको मोटरसाइकललाई रत्ननगरपालिका वडा नम्बर ९ स्थित त्रिनेत्र पेट्रोल पम्प अगाडि ठक्कर दिएको थियो । ट्यांकरको ठक्करबाट लुईटेलको घटनास्थलमै मृत्यु भएको प्रहरीले जनाएको छ । पछाडि बस्ने उनको छोरी शोभानी लुईटेलको हातमा सामान्य चोट लागेर चितवन मेडिकल कलेजमा उपचार भईरहेको छ । प्रहरीले ट्यांकर चालक बारा जितपुर उपमहानगरपालिका वडा नम्बर २४ का अलिमहमद देवानलाई नियन्त्रणमा लिएको छ ।