नुहाउने क्रममा एकसाता अघि नारायणीमा बेपत्ता भएका युवक मृत फेला

संवाददाता

शुक्रबार, असोज २८, २०७९ मा प्रकाशित

चितवन । आईतबार नारायणी नदीमा नुहाउने क्रममा झण्डै एकसाता अघि वेपत्ता भएका एक युवक तैरिएको अवस्थामा फेला परेका छन । भरतपुर महानगरपालिका वडा नम्बर ५ कल्याणपुरका २३ बर्षीय उदीप ठकुरी आज सांँझ पांँच बजे मृत फेला परेका हुन् ।
जिल्ला प्रहरी कार्यालय ,चितवनका अनुसार विपद व्यवस्थापन सहितको प्रहरीले उनलाई खोजतलास गर्ने क्रममा भरतपुर महानगरपालिका वडा नम्बर ४ स्थित गैंडाचोक स्थित नारायणी नदीमा घोप्टो परेर तैरिएको अवस्थामा फेला पारेको हो । हाल शव परीक्षणको लागि भरतपुर अस्पतालमा राखिएको छ ।