जो नारायणी नदीमा पौडी खेल्न गएका थिए , तीनदिनपछि मृत भेटिए

संवाददाता

आइतबार, असार १२, २०७९ मा प्रकाशित

चितवन । गत बिहीबार नारायणी नदीमा पौडी खेल्ने क्रममा बेपत्ता भएका एक युवकको शब फेला परेको छ । भरतपुर महानगरपालिका वडा नम्बर ९ मिलनचोकका २४ बर्षीय बिनित घिमिरेको शब फेला परेको हो । उनको शब नवलपुर विनयी त्रिवेणी गाउंँपालिका वडा नम्बर ७ स्थित त्रिवेणी धाममा फेला परेको जिल्ला प्रहरी कार्यालय चितवनले जनाएको छ । यही असार ९ गते घिमिरे पौडी खेल्ने क्रममा भरतपुर महानगरपालिका वडा नम्बर ४ शिबघाट स्थित नारायणी नदीमा बेपत्ता भएका थिए । खोजतलासको क्रममा शनिबार सांँझ उनको शब फेला परेको हो । उनको शब परीक्षणको लागि पठाईएको प्रहरीले जनाएको छ ।