उम्मेदवारहरु चुनावको बेला मात्र हात जोड्दै घर–घर आउँछन् । अरु बेला वास्ता गर्दैनन् भन्ने मतदाताको गुनासो छ । तपाई विजयी भएपछि त्यस्तो समस्या देखिदैन भनेर जनताले कसरी विश्वास गर्ने ?

हो यही सिस्टम बनाउनका लागि म उम्मेदवार बनेको हुँ । सिस्टम बनाउन प¥यो । नगरपालिकामा महिनामा एक चोटी जनताको गुनासो सुन्ने सिस्टमको विकास गर्छु । यती गते नगरपालिकामा जनताको गुनासो सुन्न मेयर बस्छन् भन्ने सिस्टमको विकास गर्छु । त्यो दिन मेयर आँफै उपस्थित भएर जनताको गुनासो सुन्छन् है भन्ने सिस्टमको विकास हुन्छ ।
सबै जनाको घरमा पुगेर गुनासो सुन्न भ्याईदैन, काम पनि हुँदैन । तर हरेक महिना नगरपालिकामा नै जनताको गुनासो सुनेर कहाँ के गर्न पर्ने हो त्यही अनुसार अघि बढ्छु । जनतासँग जोडिने कुरामा कुनै कञ्जुस्याई गर्ने छैन । जनताको आवश्यकता अनुसार नै काम गर्ने हो ।

मतदाताबाट कस्तो प्रतिक्रिया पाइरहनु भएको छ ?

सबैबाट राम्रो , सकारात्मक प्रतिक्रिया पाइरहेको छु । सबैले तपाई गर्ने खाले मान्छे हो, हामी सहयोग गर्छौं भन्नुहुन्छ । तपाईहरु जुनसुकै पार्टीमा भए पनि तपाईलाई सहयोग गर्छु भन्नु हुन्छ । मेरो पक्षमा जनलहर राम्रै पाएको छु ।

अन्त्यमा मतदातालाई के भन्न चाहनुहुन्छ ?

अहिलेको यो स्थानीय तहको निर्वाचन हो । आफ्नो क्षेत्रको उम्मेदवारहरु को —कससँग प्रतिस्पर्धा गर्दैछन् भनेर आँफैले मुल्याङ्कन गर्नुहोस् । उम्मेदवारलाई नियालेर हेर्नुहोस्, भविष्यमा आशा जगाउन नसक्ने मान्छेलाई त्यही अनुसार मुल्याङ्कन गर्नुहोस् । म सबै मतदातासम्म पुग्न सकिन होला तर मेरो प्रमुख एजेन्डा भनेकै भ्रष्टाचारमुक्त समाज निर्माण गर्नु हो । कसैलाई भेदभाव नगरि समान रुपले सेवा दिनेछु । यो अवसर दिनुहुनेछ भन्ने विश्वास छ र मत दिन पनि आग्रह गर्छु ।