चितवन – चितवनका गायक अमित सिंह चौधरीको नयाँ गीत सार्वजनिक भएको छ । चौधरीको स्वरमा सजिएको ‘माया गर्छु तिमीलाई’ बोलको गीत आज (शुक्रबार) युट्युबमा सार्वजनिक भएको हो ।
सार्वजनिक गीतको शब्द गायक चौधरीले लेखेका हुन् भने गीतमा संगीत पनि उनले नै भरेका हुन् । गीतको संगीत संयोजक चन्दु गोर्खाली हुन् ।
गीतको भिडियोमा देव आर एन र सोनी अधिकारी फिचर्ड छन् । गीतमा देव र सोनीबीचको माया प्रेमको कथा देखाईएको छ । भिडियोमा देव र सोनी
एक-अर्कासँग गहिरो प्रेममा परेका छन् ।
हिरा चौधरीले निर्देशन गरेको भिडियो आभास रानाले खिचेका हुन् भने सुरज महतोले सम्पादन गरेका हुन् । भिडियो चितवनको पर्यटकीय क्षेत्र सौराहामा छाँयाकन गरिएको हो ।
रचनाकार तथा गायक चौधरीले गीत सुनेर र भिडियो हेरेर प्रतिक्रिया दिन आग्रह गरेका छन् । चितवनकै टिम मिलेर गीतलाई राम्रो बनाउनका लागि निकै मेहेनत गरेको उनले बताए ।
अभिनेता देवले गीत राम्रो बनेकोले दर्शक स्रोताको माया पाउने अपेक्षा रहेको बताए । केही समय अघि नै छाँयाकन सकिए पनि कोभिडलगायतका कारणले गीत सार्वजनिक गर्न ढिलाई भएको उनले बताए ।
यस गीतमा नयाँ टिमसँग मेहेनतका साथ काम गरेको उनको भनाइ छ । अभिनेत्री सोनीले गीत राम्रो बनेको बताईन् । उनले युट्युबमा गीत हेरेर प्रतिक्रिया दिन आग्रह गरिन् ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.