भरतपुर । भरतपुर महानगरपालिका वडा नम्बर २५ को कार्यलयले एकै दिन पश्चिम चितवन पत्रकार सहित ५० बढी व्यक्तिलाई सम्मान गरेको छ । पश्चिम चितवन पत्रकार मञ्च संगको अन्तक्रिया कार्यक्रमका अवसरमा वडा भित्रका स्वास्थ्य स्वंयम्सेविका, टोलविकास संस्था, सामुदायिक वनका अध्यक्ष , पश्चिम चितवनका पत्रकारहरु सहित ५० बढि व्यक्तिलाई सम्मान गरिएको हो । वडाको विकास संगै कोभिड कहरमा समेत महत्वपूर्ण भुमिका निवार्ह गरेका सामाजिक संस्था र व्यक्तिलाई हौसलाको निम्ति सम्मान गरिएको वडा अध्यक्ष विजय कुमार भुजेलले जानकारी दिनुभयो । ‘जनप्रतिनिधि आएपछि वडा भित्र विभिन्न विकासका कामहरुले तीव्रता पाएका छन् उहाँले भन्नु भयो, विगत देखि वर्तमान सम्म यसै क्षेत्रको स्वास्थ्य, शिक्षा, विकास निमार्ण र सचेतनामा महत्तवपूर्ण भुमिका निर्वाह गर्ने व्यक्ति र संस्थालाई सम्मान गर्न पाउँदा खुशी लागेको छ । ’कार्यक्रममा प्रमुख अतिथि चितवन जिल्ला उद्योग संघका पूर्व अध्यक्ष सोमराज मरहठ्ठाले सामाजिक व्यक्ति र संस्थाको हौसला थप्न यस्तो कार्यले महत्तो पुर्ण भुमिका रहने बताउनु भयो ।
पश्चिम चितवन पत्रकार मञ्च लाई शुभकामना
अध्यक्ष भुजेलले पश्चिम चितवन पत्रकार मञ्चको समितिलाई बधाई व्यक्त गर्नु भएको छ । पश्चिम चितवन घर भएका र पश्चि चितवनका संचार माध्यमा कार्यरत पत्रकारहरुको यो मन्चले यस क्षेत्रको प्रचार प्रसार संगै समस्याहरु उजागर गर्न महत्वपुर्ण भुमिका निर्वाह गर्ने अपेक्षा सहित वडा कार्यलयले मार्फ बधाई सहित मायाको चिनोले सम्मान गरिएको थियो । पछिल्लो समय सामाजिक संजालमा गलत नियत भएका व्यक्तिहरुले व्यक्तिगत आक्षेप लगाएर भ्रम सिर्जना गर्ने र सामाजिक कार्यमा लागेका व्यक्तिहरुको मनोबल घटाउने काम गरेको गुनासो समेत उहाँले गर्नुभयो । उहाँले सत्य, तथ्यमा रहेर पश्चिम चितवनका पत्रकारहरुले कलम चलाउन समेत अनुरोध गर्नु भयो ।
कार्यक्रमका विशिष्ठ अतिथि एवम् पश्चिम चितवन पत्रकार मन्चका अध्यक्ष अपिल घिमिरेले पश्चिम चितवनको सम्भावना र अवसरको प्रचारको लागिनै मञ्चको स्थापना गरिएको भन्दै आफु र आफ्नो टिम सबै क्षेत्र संग सहकार्य गरेर अगाडी बढ्ने बताउनु भयो । यो अवसरमा पत्रकारहरुलाई भरतपुर २५ का विभिन्न क्षेत्रको बारेमा जानकारी सहित अवलोकन गराईएको थियो । भरतपुर २५ कृषि र पर्यटकीय क्षेत्रको रुपमा चिनिदै आएको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.