हेटौंडामा भारी परिमाणमा लागू औषधसहित एक महिला पक्राउ

संवाददाता

शनिबार, माघ २२, २०७८ मा प्रकाशित

मकवानपुर । हेटौंडामा भारी परिमाणमा लागु औषधसहित एक महिला पक्राउ परेकी छिन । पक्राउ पर्नेमा बकैया गाउँपालिका वडा नंम्बर ४ छतिवन घर भई हाल हेटौडा उपमहानगरपालिका वडा नंम्बर १९ बस्तिपुर स्थित डेरा कोठा गरी बस्ने बर्ष २९ की नानि माया खत्री रहेकी छिन ।
जिल्ला प्रहरी कार्यालय, मकवानपुरका अनुसार
शुक्रबार राती ८ बजे प्राप्त सुचनाको आधारमा जिल्ला प्रहरी कार्यालय मकवानपुरबाट खटिएको प्रहरी टोलीले खत्री डेराबाट उनलाई नियन्त्रणमा लिएको थियो । उनको डेराबाट लागू औषध डाईजेपाम२८० एम्पुल, फेनार्गन २६८ एम्पुल र नुफिन २५० एम्पुल गरी जम्मा ७९८ एम्पुल लागू औषधलुकाई छिपाई राखेको अवस्थामाफेला पारेको थियो । खत्रीलाई उक्त लागुऔषध सहित नियन्त्रणमा लिई थप अनुसन्धान कार्य भईरहेको प्रहरीले जनाएको छ ।