खैरहनीबाट खैरो हिरोईन सहित २ जना पक्राउ

संवाददाता

बिहिबार, पुष २२, २०७८ मा प्रकाशित

चितवन । खैरहनीबाट लागुऔषध खैरो हिरोइनसहित दुईजना पक्राउ परेका छन । पक्राउ पर्नेमा खैरहनी नगरपालिका वडा नम्बर ३ का बिक्रम खत्री र वडा नम्बर ६का श्याम थापा मगर रहेका छन ।
जिल्ला प्रहरी कार्यालय चितवनका अनुसार बुधबार (हिजो) बिहान सांँढे १० बजेको समयमा वडा नम्बर ८ ,मगनीचोकमा रहेको युनिक अड्डा एण्ड क्याफेमा केही मानिसहरु लागु औषध सेवन तथा बिक्रि बितरणको लागि भेला जम्मा भएको भन्ने सूचनाको आधारमा खटिएको प्रहरी टोलीले शंका लागि उनीहरुको शरीर खान तलासी गर्दा लागु औषध खैरो हेरोईन बस्तु १ (एक) ग्राम ७७० (सात सय सत्तरी) मिलिग्राम फेला परेको हो । उनीहरुको साथबाट प्रहरीले मोबाईल थान २ थान, स्टिलको प्लेट १ थान र लागु औषध खैरो हेरोईन सेवन गर्न प्रयोग भएको एकापट्टीको भाग केही जलेको अवस्थामा रहेको रु.५÷– को नोट एक थान समेत बरामद गरेको छ ।
उनीहरुलाई पक्राउ गरी जिल्ला अदालत चितवनबाट म्याद थप अनुमती लिई अनुसन्धान कार्य भईरहेको प्रहरीले जनाएको छ ।