बिशेष शो र सम्मान कार्यक्रम गर्दै लक्की मिडिया हाउस

संवाददाता

मङ्गलबार, कार्तिक ०९, २०७८ मा प्रकाशित

चितवन । मोफसलकै चर्चित लक्की मिडिया हाउस चितवनले बिशेष शो र विभिन्न क्षेत्रका व्यत्तित्वहरुलाई सम्मान कार्यक्रम गर्ने भएको छ । मिडिया हाउसको सोमबार बसेको बैठकले चलचित्रको विशेष शो सँगै विभिन्न क्षेत्रका व्यक्तित्वहरुलाई सम्मान गर्ने निर्णय गरेको हो । मिडिया हाउसले विभिन्न विधा तथा क्षेत्रमा समाज रुपान्तरण र विकासमा भूमिका खेल्ने व्यक्तित्वहरुलाई सम्मान गर्न लागेको मिडिया हाउसले जानकारी दिएको छ ।
कोरोना कहरबाट सबैभन्दा बढी प्रभावित र प्रताडित चलचित्र क्षेत्रलाई उकास्न र चलायमान बनाउन कार्यक्रम गर्न लागिएको मिडिया हाउसका महाप्रबन्धक हरि कार्की ‘लक्की’ ले जानकारी दिनुभयो । दर्शकहरुलाई फिल्म हलमा चलचित्र हेर्न र नेपाली चलचित्रको प्रर्वद्धन गर्न का लार्गि विशेष शो संगै सम्मान कार्यक्रम गर्न लागिएको उहांँको भनाई छ । यस्ता कार्यक्रमको आयोजनाले कलाकारिता क्षेत्र तथा सामाजिक क्षेत्रमा थप प्रोत्साहन र उर्जा मिल्ने विश्वास लिएको मिडिया हाउसका महाप्रबन्धक हरि कार्की ‘लक्की’ले बताउनुभयो ।
मोफसलमा रहेर लक्की मिडिया हाउसले चितवनमा बिभिन्न कार्यक्रमहरुको आयोजना समेत गर्दै आएको छ । नेपाली सिनेमा बजारको प्रचार र सिनेमा क्षेत्रको प्रवद्धनको लागि निरन्तर लागिएको लक्की मिडिया हाउस चितवनले विभिन्न नेपाली चलचित्रको रेड कार्पेट प्रिमियर शो, प्रिमियर शो, विशेष शो तथा च्यारीटी शो गर्दै आएको छ । यस अघि पनि विभिन्न कलाकार तथा विभिन्न क्षेत्रका व्यक्तित्वहरुलाई चलचित्रको विशेष शोको आयोजना गर्दै सम्मान गरेको थियो ।