खबर मुलुक दोस्रो बर्षमा प्रवेश

संवाददाता

बिहिबार, असोज ०७, २०७८ मा प्रकाशित

चितवन । अनलाईन न्यूज पोर्टल खवर मुलुक डटकमले एकबर्ष पुरा गरी दोस्रो बर्षमा प्रवेश गरेको छ ।
गृहनगर पव्लिकेशन प्रालिको ब्यानरमा सञ्चालित औपचारिक कार्यक्रम गरी पत्रकारबीच बार्षिकोत्सव मनाईएको थियो । भरतपुर १० स्थित खवर मुलुकको आफ्नै कार्यालयमा स्थानिय सञ्चारकर्मी माझ पहिलो वर्षको केक काटेर बार्षिकोत्सव मनाईएको हो ।
उक्त कार्यक्रममा नेपाल पत्रकार महासंघ चितवनका अध्यक्ष नारायण प्रसाद अधिकारीले केक काट्दै व्यवसायिक पत्रकारिता गर्दै आएको सिङ्गो टिमलाई बधाई दिदै निरन्तरताको लागि अझ अडिग रहन प्रोत्साहित गरेका थिए । उनले अनलाइन माध्यमबाट एक वर्षको अवधिमा विना विज्ञापन समाचारलाई निरन्तरता दिई रहनु चानचुने कुरा नभएको बताए । आउँदा दिनमा उचित पारिश्रमिकका साथ अन्य सञ्चारकर्मीलाई समेटन समेत उनले आग्रह गरे ।
उक्त भेटघाट कार्यक्रममा अनलाइनका सम्पादक केपी शर्माले निकट भविश्यमा खवर मुलुकले अनलाइन टेलिभिजन र अनलाइन रेडियो प्रकाशन गर्न लागिएको जानकारी दिए ।