तपाईको जब सेन्टरमा ‘जब सिकर’ले के के सेवा पाउंँछन ?
मुख्य कुरा त यहांँ आउने भनेको आफ्नो क्षमता,सीप, दक्षता योग्यता अनुसारनै जब खोज्न आउने हो तर । यसका आफ्नै प्रक्रिया छन । हामीले जब सिकरको यी मापदण्ड अनुसार सेक्युरिटी गार्ड, लेखापाल,शिक्षक मेनेजर, कुक, वेटर, कालिगढ , सेल्समेन, बजार प्रतिनिधि हाउसमेड, लगायतका थुप्रै क्याटागोरीका जबको लागि परामर्श दिईन्छ । र जब सिकरले एउटा आफूले काम गर्न चाहको भ्याकेन्सी फर्म भरेपछि हामीले उनीहरुको चाहना अनुसार रोजगारी दिलाउने गर्छौं ।

जिल्लामा ४० वटा भन्दा बढी जब सेन्टर छ ती जब सेन्टर र तपाईकोमा के फरक छ ?
मैल अघिनै भनिसके यो रियल जब सेन्टर फरक उद्धेश्यका साथ सञ्चालनमा आएको संस्था हो । यो एउटा नाफामुखी नभई सेवामुखीमा केन्द्रित छ । हामीले जब लगाईसकेपछि जब सिकरलाई सन्तुष्ट पार्नु हाम्रो प्रमुख दायित्व हो । जिल्लामा लहैलहैमा , अरुको सिको गरेर भरमा कुनै अनुभव नभईकन जब सेन्टर खुल्ने क्रम पनि बढ्दो छ । जसका कारण कतिपय जब सेन्टर असफल भएका पनि छन् । जब सेन्टरको बारे कही जानकारी नलिई जब सिकरलाई भ्रमित पार्ने जब सेन्टरका कारण हामीजस्ता सेन्टरहरुलाई पनि अप्ठेरो परेको छ । म एक दशक अघि देखि विभिन्न संघ संस्था, मिडीया क्षेत्र, शैक्षिक क्षेत्रसंँग आवद्ध भएर र प्रशस्त अनुभव बटुलेर स्थापना गरेको संस्था भएकोले अन्य जब सेन्टरसंँग रियल जब सेन्टरको तुलना हुनै सक्दैन । यो चितवन जिल्लामा एउटा ब्राण्डको रुपमा स्थापित भईसकेको छ ।
तपाई आफ्ना सेवाग्राहीलाई कसरी सन्तुष्ट पार्नुहुन्छ ?
जब सिकर भनौं वा यहांँ सेवाग्राहीलाई सन्तुष्ट पार्नुनै हाम्रो मेन ‘मोट्टो’ हो । किनकी हाल सम्म म दाबीका साथ भन्छु कि यहांँ आउने कोही पनि असन्तुष्ट भएर वा अझ भनौं बेरोजगारी भएर फर्कनु परेकै छैन । हामीले सेवाग्राहीको चाहना अनुसार नै परामर्श दिन्छौं । उहांँहरुलाई जब सेन्टरको प्रक्रिया , मापदण्ड , नियमहरुका बारेमा सविस्तार जानकारी गराउँछौ । उहांँहरु कन्भिन्स भएपछि मात्रै हामी प्रक्रिया बढाउंँछौ ।

जस्तो उहांँहरु यहाँ आएपछि आफ्नो बायोडाटा र जबको प्रकृति अनुसार जानकारी दिएपछि सोही अनुसार जब सिकरलाई पायक पर्ने , उनीहरुको इच्छा अनुसारको जबको लागि परामर्श दिन्छौ । जसअनुसार उनीहरले न्यूनतम फि दिएर एउटा फर्म भर्न लगाउंँछौ । र सोही अनुसार हामीले निश्चित समय भित्र जबको प्रबन्ध गर्दछौं ।

तपाई आफैं आइलटिस ईन्स्टक्टर, शिक्षक, संचार कर्मी हुंँदै यस क्षेत्रमा कसरी प्रवेश गर्नुभयो ?
यहांँ सम्म आईपुग्नुमा मेरो लामो संर्घष र अनुभव छ । छोटकरीमा भन्ने हो भने यही यात्रालेनै मलाई यो गन्तव्यको विन्दुमा ल्याएको हो । हरेक क्षेत्रको अनुभव , दक्षता, योग्यता कारण म यो क्षेत्रमा सफल भएको हुंँ जस्तो लाग्छ । म धेरै ठाउंँमा काम गरेर एउटा स्वरोजगार युवाको रुपमा स्थापित भएको हुंँ । अझ भन्ने हो भने चितवनमा धेरै सक्षम युवाहरुले जब खोज्दै गरेको देखे, उनीहरुको समस्या सुने । यी समस्याहरुलाई पनि समाधान गर्नु मेरो व्यवसायिक धर्म हो भन्ने मैले मनन गरें । केही रुपमा भएपनि बेरोजगारी समस्यालाई हल गर्न सक्छुकी भन्ने कोशिशका साथ म यो क्षेत्रमा प्रवेश गरेको हुंँ ।

देशमा यति धेरै शिक्षित बेरोजगार छन ? वैदेशिक रोजगारमा जाने पनि उत्तिकै छन ?तपाईका जस्तै जव सेन्टरले बेरोजगारी कम गर्न कसरी सहयोग पुरयाउला ?
तपाइले ठीक प्रश्न गर्नु भयो । देशमा रोजगारी हल गर्न सरकारको सिंगो प्रयासले मात्र पक्कै सम्भव छैनन । यहांँ रोजगारीका श्रोतहरुपनि कम छन । चर्को प्रतिस्पर्धा पनि छ । तर हाम्रो जस्तै जब सेन्टरहरुले आफ्नो दायित्व पुरा गरेर काम गर्ने हो भने पक्कै पनि वेरोजगारी हल गर्न सरकारलाई सहयोग पुग्छ जस्तो लाग्छ । र यो हामीले प्रमाणित गरेर पनि देखाएका छौं कि । यहाँ आउने जो कोहीले पनि बेरोजगारी भएर घर फर्कनु पर्दैन ।

प्राय: कुन भ्याकेन्सीमा बढी जवको माग हुन्छ र सप्लाई पनि कुन प्रकृतिको जबमा हुन्छ ?
अहिले हाम्रो अनुभवले के बताउंँछ भने जिल्ला लगायत देशभरमा विभिन्न व्यवसायिक प्रतिष्ठान, विद्यालय, होटल, अटोमोबाइल सेक्टर, वित्तिय सहकारी संस्था खुल्ने क्रम बढ्दो छ । ती कम्पनीहरुको मुख्य उद्धेश्य नै बजार प्रर्वद्धन गर्नुनै हो । जसले गर्दा विभिन्न कम्पनी तथा संस्थाहरुले प्रमुख प्राथमिकता भनेकै आफ्नो उत्पादन र सेवा विस्तारलाई लिएका हुन्छन । त्यसैले सबैभन्दा बढी बजार प्रतिनिधिकै बढी माग हुन्छ र आपुर्ति पनि यही प्रकृतिको जबमा हुन्छ । अर्कोकुरा यो काममा त्यति धेरै योग्यता पनि चाहिंँदैन र इच्छा शक्ति भयो भने बजार प्रतिनिधिले कमाई पनि राम्रै गर्न सक्छन । बजार प्रतिनिधि चुनौतिका साथै आकर्षणको जब भएकोले यसैमा बढी माग र आपुर्ति हुंँदै आएको छ ।
हालसम्म रियल जव सेन्टरले कति जब सिकरलाई जब प्लेसमेन्ट गरेको छ ? र दैनिक कति भिजिटर यहांँ आउंँछन ?
हामीले दैनिक रुपमा गणना त गरेका छैनौं तर औसत महिनामा ६ सयको हाराहारीमा जब खोज्न आउने गर्दछन र महिनामा १२० भन्दा बढीका जब प्लेसमेन्ट हुँदै आएको छ । यसरी हिसाब गर्दा हालसम्म दुई हजार भन्दा बढीलाई जब प्लेसमेन्ट गरिसकेका छौं ।

यहाँसम्म आईपुग्दा तपाईले कतिको सफलता प्राप्त गर्नु भएको छ र आफ्नो व्यवसाय प्रति कतिको सन्तुष्ट हुनुहुन्छ ?
सफलताको मापदण्ड के लाई मान्ने ? मेरो हिसाबमा प्रोगे्रसिभ कामलाई मैले सफलताको कडीको रुपमा हेरेको छु । संघर्ष गर्दै जाने , आफ्नो कर्तव्य र दायित्वबाट विचलित नहुने र इमान्दारिता र मेहनतलाई निरन्तरता दिने हो भने म मात्रै होइन जो कोहीले पनि सफलता प्राप्त गर्न सक्छ । त्यसैले कुनैपनि बिषयमा चिन्ता लिएर समय खेर फाल्नुभन्दा चुनौतिसंँगै सामना गर्दै अघि बढ्नुपर्छ जस्तो लाग्छ । त्यसैले म आफ्नो दृढ विश्वासका साथ काम गर्दै आएको छु र हाम्रो सेवाग्राहीहरु पनि सन्तुष्ट हुनु भएकोले म मेरो कामबाट शतप्रतिशत सन्तुष्ट छु ।

बेरोजगारी कम गर्ने दायित्व बिशेषगरी राज्यको र नीजि क्षेत्रका संघसंस्थाको पनि हो तर तपाईले केही प्रतिशत भएपनि वेरोजगारी कम गर्न मदत गर्नु भएको छ यसमा तपाईलाई कतिको गर्व लाग्छ ?
मलाई यो गर्वभन्दा पनि व्यवसायिक धर्म हो जस्तो लाग्छ । यस क्षेत्रमा अझ धेरै काम गर्नुछ । त्यसैले मैले हालसम्म जे जति को सेवा गरे , मार्गनिर्देशन गरेंँ यसमा म अत्यन्त खुशी छु ।

रियल जब सेन्टरका भावी कार्ययोजना र लक्ष्य के के छन ?

हाम्रो रियल जब सेन्टर मुख्य योजना भनेको यसको शाखा विस्तार गर्नु हो हुनत हाम्रो कार्यालयमा नवलपरासी , धादिङ्ग, लमजुङ्ग, गोर्खाबाट पनि जब सिकरहरु आउनुहुन्छ । तर उहांँहरुलाई यहांँ आएर सम्पर्क गर्न पनि भौतिक दुरीले गर्दा कठिनाई पर्छ । त्यसैले अन्य जिल्लामा शाखा बिस्तार गर्दा प्रत्यक्ष रुपमा सेवा दिन सकिन्छ । हामीले अहिले अनलाईन माध्यमद्धारा पनि उहांँहरुको परामर्श दिने, एप्लाई गनर्,े जब खोजिदिने, जस्ता काम गर्दै पनि आएका छौं । र हामीले अर्को व्यवसायिक रुपमा घरजग्गाको कारोबार पनि शुरु गरेका छौं । रियल स्टेट जब मार्फत जिल्ला वा जिल्ला बाहिर खरीद गर्ने र बिक्री गर्नेको पुलको काम गर्न रियल स्टेट नारायणगढ संस्था मार्फत हामीले सेवा शुरु गरेका हौं ।

समग्रमा भन्ने हो भने बेरोजगारीलाई बढी भन्दा बढी जब दिने रोजगारदातालाई सकेसम्म छिटो त्यस्ता व्यक्तिहरु दिलाई दिनुनै हाम्रो लक्ष्य हो । र रियल स्टेटको कुरा गर्ने हो भने घरजग्गा कारोबारलाई व्यवस्थित , मर्यादित र व्यवसायिक गर्नुनै हाम्रो कार्ययोजना तथा लक्ष्य भित्र पर्दछन ।