चितवन । प्रभात दिदी बहिनी बचत तथा ऋण सहकारी संस्था लिमिटेड र पुष्पाञ्जली हस्पिटलबीच सम्झौता भएको छ । प्रभात दिदी बहिनीका शेयर सदस्य तथा परिवारका सदस्यहरुलाई उपचार खर्चमा पुष्पाञ्जली हस्पिटलले छुट दिने सम्झौता भएको हो ।
पुष्पाञ्जली हस्पिटल प्रा.लि भरतपुर –१० को तर्फबाट हस्पिटलका अध्यक्ष चेतनाथ वाग्ले र प्रभात दिदी बहिनी बचत तथा ऋण सहकारी संस्था लिमिटेडको तर्फबाट अध्यक्ष साधना पोख्रेल श्रेष्ठले उक्त सम्झौता पत्रमा हस्ताक्षर गरेका थिए ।
सम्झौता पत्रमा सहकारीका सदस्य तथा परिवारका सदस्यहरुको स्वास्थ्य परीक्षणमा २५ प्रतिशत छूटको व्यवस्था गरिएको छ । यस्तै,गुणस्तरीय सेवा सहित प्रयोगशाला परीक्षण, बेड सेवा, इसिजी, भिडियो एक्सरे, सिटी स्क्यानलगायतका सेवाहरुमा पनि खेलाडीहरुले २५ प्रतिशतसम्म छूट सुविधा पाउने भएका हुन् । यस्तै औषधिमा ७ प्रतिशत छूट सुविधा हुने छ ।
सो क्रममा अस्पतालका वरिष्ठ फिजिसियन डाक्टर भोजराज अधिकारीले शेयर सदस्यहरुको स्वास्थ्यप्रति सधै अस्पताल र आफू गम्भिर रहेको बताए । उनले महिलाहरुको स्वास्थ्य परिक्षण कार्यक्रम गाँउ घरमा नै गएर भएपनि गर्न अस्पताल तयार रहेको बताउनु भयो । आर्थिक अभावमा सहकारीका सदस्यहरुको उपचारमा समस्या नहोस् भनेर अस्पतालले गुणस्तरीय सेवा दिने बताए। सहर देखी चितवनका पहाडी क्षेत्रका दिदीबहिनीहरूसंग प्रत्यक्ष जोडीएर काम गर्न पाउँदा खुसी लागेको बताए ।
सहकारीका अध्यक्ष साधना श्रेष्ठ पोख्ररेलले सहकार्य गर्न पाएकोमा खुसी व्यक्त गरिन् । भरतपुर देखि कालिका नगरपालिकाको दुरर्गमसम्म शेयर सदस्यहरु रहेको अवस्थामा यस छुटले ठूलो राहत र ऊर्जा मिलेको अध्यक्ष पोख्रेलले बताइन् ।
रक्तदान, महिलाहरूको पाठेघर देखि केही न केही सचेतना कार्यक्रम गरेर अगाडी बढ्ने अस्पतालका अध्यक्ष चेतनाथ वाग्लेले बताए जनतासंग अस्पताल कार्यक्रम लिएर घर घरमा पुगेर सेवा दिने सोचमा अस्पताल रहेको उनको भनाई थियो ।
अन्य आकस्मिक तथा विशिष्ट सेवाको लागि आपसी समझदारीमा अगाडी बढीने सम्झौता पत्रमा उल्लेख छ । गत वैशाख १ गतेदेखि नयांँ ठाउंँबाट सञ्चालनमा आएको सो अस्पतालमा सिटी स्क्यान सेवासहित अत्याधुनिक सेवा छन् । एक सय बेड रहेको सो अस्पतालमा विभिन्न विधाका ४० जना विशेषज्ञ चिकित्सकले सेवा दिंँदै आएका छन् । अस्पतालले जनतासंँग अस्पतालअन्तर्गत विभिन्न स्वास्थ्य कार्यक्रम तथा छूट सुविधा दिंँदै आएको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.