दासढुंँगामा कारले कारलाई ठक्कर दियो , युवती घाईते, होटलमा क्षति

संवाददाता

सोमबार, भदौ ०७, २०७८ मा प्रकाशित

चितवन – नारायणगढ मुग्लिन सडकखण्डको दासढुङ्गामा रोकिराखेको कारलाई अर्को कारले ठक्कर दिँदा एक जना घाइते भएका छन् ।
जिल्ला ट्राफिक प्रहरी कार्यालय, चितवनका अनुसार भरतपुर महानगरपालिका वडा नम्बर २९ स्थित दासढुङ्गामा नजिक मुग्लिनबाट नारायणगढ तर्फ आईरहेको ग २ च ५८३१ नम्बरको कार आँफै अनियन्त्रित भइ सोही स्थानमा रोकिराखेको प्रदेश३–०१–०२४ च ८५४० नम्बरको कारसँग ठोक्किएको थियो ।
दुर्घटनामा परी ठक्कर दिने कारमा सवार भरतपुर ६ गीतानगरकी २३ वर्षीया सिता न्यौपाने सामान्य घाइते ट्राफिक प्रहरीले जनाएको छ । उनलाई उपचारका लागि चितवन मेडिकल कलेज भरतपुरतर्फ पठाईएको छ ।
कारले ठक्करबाट घटनास्थलमा रहेको जयराम मगरले सञ्चालन गरेको सौरभ होटलमा समेत सामान्य क्षती पुगेको ट्राफिक प्रहरीले जनाएको छ । दुबै सवारी चालक प्रहरी चौकी जुगेडीको नियन्त्रणमा रहेका छन् ।