चितवन । नेपाली काङ्ग्रेस चितवनको स्वास्थ्य विभागले सञ्चालन गरेको निःशुल्क स्वास्थ्य शिविरबाट एक हजार ५ सय ८० जनाले स्वास्थ्य सेवा लिएका छन् । चितवनको कालिका नगरपालिका वडा न ६ मा चैत ९ गतेबाट शुरु भएको निःशुल्क स्वास्थ्य शिबिरमा जिल्ला भरिबाट एक हजार ५ सय ८० जनाले स्वास्थ्य सेवा लिएको नेपाली काङ्ग्रेस चितवनका सभापति राजेश्वर खनालले जानकारी दिनुभयो ।
शिविरमा २ सय ९८ जनाले भिडियो एक्सरे सेवा,२ सय ५३ जनाले ई सि जि सेवा,९५ जनाले भि आई ए सेवा लिएका छन् । त्यसै गरी ५ सय ७५ जनाले आँखाको चेकजांँच सेवा लिएका छन् । शिविरमा १ सय जनालाई चश्मा वितरण गरिएको थियोे भने ८ सय जनाको सुगर तथा प्रेसर जाँच गरिएको थियोे । शिविरमा ८ सय ७० जना महिला र ७ सय १० जना पुरुषले सेवा लिएका छन् । त्यस्तै शिविरमा १० लाख बराबरको निःशुल्क औषधि पनि बितरण गरिएको खनालले बताउनु भयो ।
शिविरमा जनरल फिजिसियन,महिला तथा प्रसुती,आखा जाँच,दन्तरोग,पाठेघरको मुखको परिक्षण,बालरोग,नसा,हाडजोर्नी,शल्यचिकित्सा,नाक,कान तथा घाँटी,मुटु रोग सम्बन्धि र छाला तथा यौन रोग सम्बन्धि सेवाहरु उपलब्ध गराइएको थियोे ।
नेपाली काङ्ग्रेस चितवनले पार्टीका पुर्व सभापति स्व.गिरिजाप्रसाद कोइरालाको १४ औ स्मृति दिवसको अवसरमा समुदायमा काङ्ग्रेस अभियान अन्तरर्गत बृहत् निःशुल्क स्वास्थ्य शिविरको आयोजना गरेको जनाएको छ । संस्थागत सामाजिक उत्तरदायित्व अन्तरर्गत रहेर पार्टीले आमनागरिकलाई स्वास्थ्य सेवाको महसुस होस् भनेर निःशुल्क स्वास्थ्य शिविरको आयोजना गरेको सभापति खनालले बताउनु भयो ।
शुक्रबार नेपाली काङ्ग्रेसका केन्द्रिय सदस्य तथा पुर्व महामन्त्री डा शशांक कोइरालाले एक भब्य समारोहका बिच शिबिरको उद्वघाटन गर्नुभएको थियो । कार्यक्रम सयोजक दिनेश अधिकारीको अध्यक्षतामा सम्पन्न शिबिरमा सभापति खनालले सम्पुर्णमा धन्यवाद प्रकट गर्नुभएको थियोे ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.