भरतपुर । एपेक्स एकेडमी र गुरुकुल कलेज हिसान चितवनको आयोजनमा जारी हिसान कप अन्तर कलेज नाइन ए साइड फुटबल प्रतियोगिताको सेमिफाइनलमा प्रवेश गरेको छ ।
भरतपुर १० गेष्टहाउस चौरमा जारी प्रतियोगिता अन्तर्गत आज (सोमबार) सम्पन्न पहिलो खेलमा न्यु क्यापिटल कलेजलाई हराउँदै एपेक्सले सेमिफाइनलमा स्थान पक्का गरेको हो । एपेक्सले न्यु क्यापिटललाई २-१ ले हरायो ।
एपेक्सको जितमा जीवन रानाले दुई गरे । न्यु क्यापिटलका ओमकार गुरुङले एक गोल फर्काए । दुई गोल गरेका एपेक्सका जीवन म्यान अफ दि म्याच भए । एपेक्सले अब फाइनल प्रवेशका लागि पहिलो सेमिफाइनलमा अरोमाको सामना गर्नेछ । उक्त खेल मंगलवार दिउँसो २ बजे हुनेछ ।
आजैको दोस्रो खेलमा जित हात पार्दै गुरुकुल कलेज प्रतियोगिताको सेमिफाइनलमा प्रवेश गरेको छ । गुरुकुलले ग्रीनल्याण्ड पब्लिक स्कुललाई टाईब्रेकरमा ४-१ ले हरायो । निर्धारित समय गोलरहित बराबरीमा सकिएपछि खेल टाईब्रेकरमा धकेलिएको हो ।
गुरुकुलका गोलरक्षक अभिषेक गुरुङ म्यान अफ दि म्याच चुनिए । गुरुकुलले अब दोस्रो सेमिफाइनलमा अर्बिट कलेजको सामना गर्नेछ । उक्त खेल मंगलबार दिउँसो ३ बजे हुनेछ ।
उच्च शिक्षालय तथा माध्यमिक विद्यालय संघ (हिसान) चितवनको आयोजनामा फागुन २ गतेसम्म चल्ने प्रतियोगितामा १४ टोली सहभागी छन् । प्रतियोगिताको विजेताले ट्रफीसहित ३० हजार रुपैयाँ तथा उपविजेता टोलीले २० हजारसहित ट्रफी प्राप्त गर्ने आयोजकले जनाएको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.