चितवन । नेपाल पशुपन्छी औषधि व्यवसायी संघको १४ औं राष्ट्रिय महाधिवेशन तथा ३३ औं वार्षिक साधारण सभा चितवनको भरतपुरमा हुने भएको छ ।
संघको राष्ट्रिय महाधिवेशन पुष २४ र २५ गते दुई दिनसम्म चल्ने कार्यक्रममा देशैभरका सात प्रदेश र २२ शाखाबाट महाधिवेशन प्रतिनिधि, कम्पनी प्रतिनिधि, परिवेक्षक, संघ संस्थाका प्रतिनिधि एवं नियमनकारी निकायहरुबाट गरी करिब एक हजार प्रतिनिधिहरु सहभागी हुनेछन । संघले आज भरतपुरमा पत्रकार सम्मेलन गरी यसबारे जानकारी दिईएको हो । ।
पाँच बराबर एक प्रतिनिधि रहने गरि विधानको व्यवस्था अनुसार चार सय ८१ महाधिवेशन प्रतिनिधि संख्या रहने अध्यक्ष पूर्णचन्द्र सापकोटाले जानकारी दिए । संघमा हाल एक हजार ९२३ सदस्य आवद्ध छन् महाधिवेशनले २१ सदस्यीय नयाँ कार्यसमिति चयन गर्नेछ । समितिको कार्यकाल दुई वर्षे हुनेछ ।
महाधिवेशनमा कृषि तथा पशुपन्छी मन्त्रालय, नेपाल उद्योग वाणिज्य महासंघ, पोल्ट्री महासंघ, ह्याचरी उद्योग संघ, नेपाल औषधि पैठारी संघ, उत्पादक संघ, कम्पनीलगायतको उपस्थिति रहने महासचिव नारायणबहादुर भुजेलले जानकारी दिए ।
भुजेलका अनुसार नेपालमा २० वटा स्वदेशी कम्पनीले भेटेरीनरी औषधि, भ्याक्सिन र फिड सप्लिमेन्टहरु उत्पादन तथा बिक्री वितरण गर्दै आएका छन् । यस्तै एक हजार ४०० पैठारीकर्ता रहेका छन् । औषधि, भ्याक्सिन र फिड सप्लिमेन्टहरुहरुको बजार वार्षिक १३ अर्बको रहेको समेत उहाँले जानकारी दिए ।
नेपालमा औषधि, भ्याक्सिन र फिड सप्लिमेन्टहरुको मागको २० प्रतिशत यही उत्पादन हुने तथा ८० प्रतिशत आयात हुने गरेको छ । तीन लाख जनशक्तिलाई रोजगार प्रदान गरेको यस क्षेत्रमा एक सय ५० अर्वको लगानी रहेको छ । संघका अनुसार यस क्षेत्रले देशको कुल ग्राहस्थ उत्पादनको चार प्रतिशत र कृषि क्षेत्रमा मात्रै २५ प्रतिशत योगदान पु¥याएको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.