चितवन ।कथाकार वसन्त पराजुलीको तेस्रो कृति ‘ड्रिमी आइज’ सार्वजनिक गरिएको छ । नेपाल इङ्लिस ल्याङ्वेज टिचर्स एसोसिएसन (नेल्टा) चितवनको आयोजनामा बुधबार गैंडाकोटमा उक्त पुस्तक सार्वजनिक गरिएको हो ।
कार्यक्रमका प्रमुख अतिथि कविडाँडा साहित्य समाज चितवनका अध्यक्ष एलबी क्षेत्री, भिलेज अफ इङ्लिस राइटर्स (भ्यू) चितवनका अध्यक्ष डाक्टर केशवराज चालिसे, नेल्टा चितवनका अध्यक्ष बटुकलाल तामाङ, भुँडीपुराण पब्लिकेसन्सका प्रबन्ध निर्देशक केशव पराजुली, साहित्यकार हरि गौतम लगायतले कृति सार्वजनिक गर्नुभएको हो ।
कृति विमोचनपछि पुस्तक समीक्षा कार्यशाला गरिएको थियो । कार्यशालामा अंग्रेजी विषयका २५ जना शिक्षकहरूलाई सहभागी गराइएको थियो । कार्यशालामा शिक्षकहरूले कृति पढेर समीक्षा तयार गरी प्रस्तुत गरेका थिए । समूह बनाएर समीक्षा गरिएका सामग्रीलाई मनोजकुमार विष्ट, मनोज क्षेत्री, अञ्जलि भुसाल र अर्जुन भट्टले प्रस्तुत गर्नुभएको थियो ।
भुँडीपुराण पब्लिकेसन्सबाट प्रकाशित ‘ड्रिमी आइज्’ कथासंग्रहमा १७ वटा कथालाई समावेश गरिएको छ । कथाकार पराजुलीका यसअघि प्रकाशित कथासंग्रह कुमाता र मोम्चोबाट छानिएका कथालाई अनुवाद गरी ड्रिमी आइजमा समावेश गरिएको छ । कथाहरू जोशी र भरत भट्टराईले अनुवाद गर्नुभएको हो । कृतिको मूल्य ३९० रुपैयाँ राखिएको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.