चितवन । नारायणी नदीकिनारमा भोलि बुधबारदेखि चितवन नारायणी महोत्सव सञ्चालन हुँदैछ ।
रिकभरिङ्ग युनाइटेडको मुख्य आयोजना तथा औद्योगिक शान्ति नेपाल संस्थाको आयोजनामा चितवन रिकभरी जनचेतना, साँस्कृतिक , पर्यटन, कृषि तथा व्यापार महोत्सव २०८० हुन लागेको हो ।महोत्सवको तयारी पुरा भएको आयोजकले जानकारी दिएको छ ।
स्थानीय उत्पादनको प्रर्वद्धन गर्न र आर्थिक गतिविधि चलायमान बनाउने उद्धेश्य सहित महोत्सव गर्न लागिएको आयोजकले जानकारी दिएको छ । मंसिर १६ गतेसम्म १० दिन हुने महोत्सवको लागु औषध तथा मद्यपान प्रयोगकर्ताहरुको निःशुल्क उपचार गर्ने लक्ष्यसहित महोत्सव आयोजना गरिएको रिकभरिङ्ग युनाइटेडका अध्यक्ष तथा कार्यक्रम संयोजक रविनकुमार श्रेष्ठले जानकारी दिए ।
लागूऔषध प्रयोगकर्ताहरुको निःशुल्क उपचार मुख्य लक्ष्य भए पनि महोत्सवले सबै क्षेत्रका उद्योगी व्यवसायीहरुको प्रवर्द्धनका लागि पनि महत्वपूर्ण भूमिका खेल्ने उनको भनाइ छ ।
महोत्सवमा प्रतिव्यक्ति ७० रुपैंया र विद्यार्थीलाई ५० रुपैंया प्रवेश शुल्क तोकिएको र महोत्सव सम्पन्न गर्न ५७ लाख खर्च अनुमान गरिएको संयोजक श्रेष्ठले बताए ।
घरेलु तथा साना उद्योगका उत्पादनहरुको प्रवर्द्धन तथा बजारीकरण, स्थानीय स्रोत साधन तथा मौलिक परम्परा, स्थानीय स्तरको पहिचान, स्थानीय स्तरमा उत्पादित कृषि उपजको बजारीकरण तथा प्रवर्द्धनमा टेवा पुग्ने उनको भनाई छ ।
महोत्सवले भरतपुर भ्रमण वर्ष २०२४ लाई सफल बनाउन पनि महत्वपूर्ण भूमिका खेल्ने सह संयोजक पिंगलराज पन्तले बताए । भरतपुरसहित समग्र चितवनका पर्यटकीय गन्तव्यहरुको जानकारी दिनका लागि महोत्सव परिसरमा छुट्टै डिस्प्ले बोर्ड राखिएको छ । महोत्सवमा हरेक दिन सांस्कृतिक कार्यक्रम पनि हुनेछन् । ख्यातीप्राप्त कलाकारहरुले हरेक दिन दर्शकलाई मनोरञ्जन प्रदान गरिने आयोजकले जनाएको छ ।
हरेक दिन पाँच हजार गरी ५० हजार जनाले महोत्सव अवलोकन गर्ने आयोजकको अपेक्षा छ । महोत्सव अवलोकनका लागि ७० रुपैयाँको टिकटको व्यवस्था गरिएको छ । जेष्ठ नागरिक, विपन्न तथा पाँच वर्ष मुनीका बालबालिकाका लागि निःशुल्क प्रवेशको व्यवस्था गरिनेछ ।
लागूऔषध तथा मद्यपान प्रयोगकर्ताहरुको निःशुल्क उपचार गर्ने उद्देश्य लिएर महोत्सव गर्न लागिएको रिकभरिङ युनाइटेड प्रालिका अध्यक्ष रविन श्रेष्ठले बताए । महोत्सवमा २५० भन्दा बढी स्टलहरु रहने उनले बताए । उनका अनुसार सबै स्टल बुकिङ भइसकेका छन् । महोत्सवमा दैनिक ५ जनाभन्दा बढी राष्ट्रिय तथा स्थानीय कलाकारको प्रस्तुति रहने उनले जानकारी दिए ।
महोत्सवमा अटोमोबाइल, कृषि तथा हस्तकला, खाना, फेन्सीलगायतको स्टल रहने छन् भने निःशुल्क स्वास्थ्य शिविर, नृत्य प्रतियोगिता, लागूऔषध दुव्र्यसनीविरूद्ध सचेतनामूलक कार्यक्रम र अन्तर्राष्ट्रियस्तरका बाल उद्यान रहने आयोजकले जानकारी दिएको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.