चितवन । महानगरले दिनहुंँजसो बजार अनुगमनलाई तीब्रता दिदैं आईरहेको छ । बिहिवार महानगरको बजार व्यवस्थापन तथा उपभोक्ता हित संरक्षण समितिले महानगरका ग्रामीण क्षेत्रमा अनुगमन शुरु गर्न लागेको हो ।
समितिले बिहिवार भरतपुर ५ को बिकास चोक र शान्ति चोक,भरतपुर १४ को शिबनगर बजार,भरतपुर १५ को फुलवारी चोक एरिया र भरतपुर २१ को पार्वतीपुर बजारमा अनुगमन गरेको छ । पूर्व लक्षित कार्यक्रम अनुसार महानगरपालिकाले गाउँ केन्द्रित बजार अनुगमन गरेको हो । अनुगमनमा सरसफाइ राख्न,मापदण्ड बिपरितका क्रियाकलाप नगर्न÷ नगराउन,चाडपर्वको समयमा दैनिक उपभोग्य बस्तुहरुमा कालोबजारी नगर्न ÷ नगराउन, यदि कसैले महानगरको आँखा छली गैरकानुनी कार्य गरेको सुचना पाइएमा तत्काल महानगरमा खबर गर्न समितिले आम उपभोक्ताहरुमा अनुरोध समेत गरेको छ । अनुगमनको क्रममा दर्ता नविकरण नभएका पसलहरुलाइ समितिले तत्काल नै वडा कार्यलयमा पठाइ दर्ता वा नविकरण गर्न निर्देशन समेत दिएको छ ।
भरतपुर महानगरपालिकाले बिगत डेढ बर्ष यता झण्डै एक हजार भन्दा बढी खाद्यान्न,उद्योग,कलकारखाना,एग्रोभेट,कपाल काट्ने पसल,चटपट तथा पानीपुरी बनाउने पसलहरुको अनुगमन गरिसकेको छ भने कार्यलयमा प्राप्त झण्डै ६५ वटा उजुरीहरुको बारेमा पनि सम्बोधन गरिसकेको छ ।
अनुगमनमा बजार व्यवस्थापन तथा उपभोक्ता हित संरक्षण समितिका सदस्य बिष्णु बहादुर भुजेल,दिपेन्द्र अधिकारी,पशु चिकित्सक डाक्टर श्याम देवकोटा,उपभोक्ता हित सरक्षण शाखा तथा शासकीय सुधार इकाइका अधिकृत ठानेश्वर सापकोटा,नगर प्रहरी प्रमुख मेघराज भट्टराई,पत्रकार तथा अन्य कर्मचारीहरुको सहभागितामा बजार अनुगमन गरिएको थियोे ।
उपभोक्ता सरक्षण ऐन २०७५ को दफा २८ तथा ६४ ले स्थानीय निकायलाइ बजार अनुगमन गर्ने अनुमती प्रदान गरेको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.