सुतिरहेको मौका पारी चितवनका विभिन्न स्थानबाट ९ लाख रुपैयांँ चोरी गर्ने पक्राउ

संवाददाता

सोमबार, साउन २५, २०७८ मा प्रकाशित

चितवन । चितवनमारत्ननगर र कालिका नगरपालिकाका विभिन्न स्थानबाट चोरी गर्ने एकजना पक्राउ परेका छन । पक्राउ पर्नेमा राप्ती नगरपालिका वडा न.१२ धाङवाङगैरी घर भई हाल जिल्ला चितवन रत्ननगर नगरपालिका वडा न.०९ जानकीटोल बस्ने केशब प्रजा रहका छन ।
जिल्ला प्रहरी कार्यालय,चितवनका अनुसार प्रजाले कोठामा मानिसहरु सुतिरहेको मौका पारी घर भित्र प्रबेश गरी नगद तथा सुनका गरगहनाहरु चोरी गरेको घटनाको अनुसन्धान गर्ने क्रममा ८ लाख ९९ हजार ९६१ रुपैयांँ नगदसहित पक्राउ गरिएको हो । उनले चोरी गर्न प्रयोग गरेका बिभिन्न औजार सहित पक्राउ गरी चोरी सम्बन्धी कसूर मुद्धामा चितवन जिल्ला अदालतवाट म्याद अनुमती लिई थप अनुसन्धान कार्य भईरहेको प्रहरीले जनाएको छ ।