चितवन । चितवनका कवि विवेकीको ‘चस्मा’ कवितासङ्ग्रह सार्वजनिक भएको छ ।
चितवन साहित्य परिषद्को सभाहलमा आज आयोजित कार्यक्रममा कवि गोविन्दराज विनोदी, डिआर पोखरेल, इन्द्र रेग्मी, उदय अधिकारी र भूपिनले पुस्तक विमोचन गर्नुभएको हो ।
भरतपुर महानगरपालिका ४ निवासी कवि विवेकीको जन्मदिनका अवसरमा पुस्तक सार्वजनिक गरिएको हो । पुस्तकमा ५५ वटा कविता छन् । राज्य र समाजले किनारा लगाएकाहरूको पीडा, संवेदना, राजनीतिक विसंगति, विकृतिलगायतका प्रसङ्गलाई कविले कवितामार्फत उतारेको वक्ताहरूले बताउनु भयो । पुस्तकका सन्दर्भमा डिआर पोखरेल, उदय अधिकारी र भूपिनले बोल्नु भएको थियो । ‘विवेकीका कविता वैचारिक रूपमा प्रष्ट छन्झ, समीक्षक उदय अधिकारीले भन्नुभयो , हेपिएकाहरूका कथा व्यथालाई उनले कवितामा उतारेका छन् ।’
‘चस्मा’ मूलतः भुईँमान्छेका कथा र राज्यप्रति उनीहरूको आक्रोस र ब्यङ्ग्यको शाव्दिक डकुमेन्ट्री भएको भूपिनले बताउनु भयो । एक कवि कसरी बजार हल्लाबाट टाढा रहेर चुपचाप काव्य साधना गर्छ ? त्यसको सुन्दर उदाहरण हो चस्मा ।‘ भूपिनले भन्नुभयो ।
प्रमुख अतिथि गोविन्दराज विनोदीले विवेकीले चस्मा कवितासङ्ग्रहमार्फत आफू बाँचेको समाज र जीवनको संघर्षशील समयलाई सुरुचिपूर्ण शैलीमा उतारेको बताउनु भयो । कार्यक्रममा कवि विवेकीले केही कविता वाचन गर्नुभएको थियो ।े पुस्तकको मूल्य ३०० रुपैयाँ राखिएको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.