त्रिशुलीमा सिमेन्ट बोकेको ट्रिपर खस्यो, चालक घाईते

संवाददाता

सोमबार, जेठ २२, २०८० मा प्रकाशित

चितवन । नारायणगढ मुग्लिन सडक खण्ड अन्तर्गत सिमलतालमा ट्रिपर त्रिशुलीमा खस्दा चालक घाईते भएका छन । मकवानपुर जिल्ला हेटौंडा उपमहानगरपालिका वडा नम्बर १९ बर्षमाडीका प्रदिप थिङ्ग घाईते भएका हुन् ।
जिल्ला प्रहरी कार्यालय चितवनका अनुसार आज बिहान भरतपुर महानगरपालिका वडा नम्बर २९ स्थित सिमलतालमा १० बजेर ४० मिनेटमा वागमती प्रदेश ०३–००१ क ०१४० नम्बरको सिमेन्ट बोकेकोे ट्रिपर अनियन्त्रित भई त्रिशुलीमा खसेको थियो । दुर्घटनाबाट घाईते चालक थिङ्गलाई उपचारको लागि नयांँ मेडिकल कलेज भरतपुर पठाईएको छ । ट्रिपर नदीमा डुबेको अवस्थामा छ ।