चितवन । उद्योग वाणिज्य संघ चितवनले आयोजना गरेको राष्ट्रव्यापी खुल्ला कविता प्रतियोगिता–२०७९ मा धरानका तीर्थराज विश्वकर्मा पहिलो भएका छन् । १४औँ चितवन महोत्सवको अवसरमा आयोजित प्रतियोगितामा देशभरबाट कविता स्रष्टाहरुलाई भाग लिन आह्वान गरिएको थियो ।
देशभरबाट प्राप्त ८७ वटा कवितामध्ये उत्कृष्ट १२ कवितालाई छनौट गरेर आज सोमबार स्रस्टाबाटै कविता वाचन गराएर प्रतिस्पर्धा गरिएको थियो । छनौटमा परेका ११ जना स्रष्टालाई पछि पार्दै धरानका विश्वकर्माले २५ हजार रुपैयाँ नगद पुरस्कार हात पारे । सो प्रतियोगितामा विश्वकर्माले ‘एक भेट भरियासँग’ शीर्षकको कविता वाचन गरेका थिए ।
प्रतियोगितामा बाराका स्रस्टा अभिषेक ओझा दोस्रो भएका छन् । ओझाले वाचन गरेको ‘वृद्धाश्रमबाट आएको चिठी’ शीर्षकको कविता दोस्रो हुँदै १५ हजार रुपैयाँ पुरस्कार हात पारे । त्यसैगरी, प्रतियोगितामा कास्कीका स्रस्टा रोशन तिमिल्सिना तेस्रो भएका छन् । ‘लालामीको सूचना’ शीर्षकको कविताले तेस्रो स्थान हासिल गर्दै तिमिल्सिनाले १० हजार रुपैयाँ पुरसकार प्राप्त गरेका छन् ।
सो प्रतियोगितामा सप्तरीकी स्रस्टा रोमा लम्साल नुरा तथा चितवनका लालकाजी श्रेष्ठले प्रोत्साहत पुरस्कार प्राप्त गरेका छन् । लम्सालको ‘पसिनाको अक्षरमा देश’ तथा श्रेष्ठको ‘विश्वास’ शीर्षकको कविताले प्रोत्साहनस्वरुप नगद पाँच÷पाँच हजार रुपैयाँ पुरस्कार प्राप्त गर्न सफल भयो । प्रतियोगिताको निर्णयकमा समालोचक डा धनेश्वर भट्टराई, डा केशवराज चालिसे र साहित्यकार सुरेन्द्र अस्तफल रहेका थिए ।
स्लो साइकल रेसमा थापा पहिलो
चितवन महोत्सव परिसरमा आयोजना गरिएको स्लो साइकल रेस प्रतियोगितामा राइनो स्पोर्टस् एकेडेकमीका प्रमित थापा पहिलो भएका छन् । १४औँ चितवन महोत्सवको अवसरमा सोमबार बिहान महोत्सव स्थलमा आयोजना गरिएको स्लो साइकल रेस प्रतियोगितामा पहिलो हुँदै थापाले पुरस्कारस्वरुप माउन्टेन बाइक हात पारेका छन् ।
त्यसैगरी प्रतियोगितामा रौनक पौडेल दोस्रो भएका छन् । उनले लेडिज साइकल पुरस्कार प्राप्त गरेका चितवन महोत्सवका खेलकुद संयोजक रुद्र सुवेदीले जानकारी दिए । प्रतियोगितामा तेस्रो हुने सुरेश रानाले नन गेयर रेन्जर निसान साइलक पुरस्कार पाएका सुवेदीले बताए ।
त्यसैगरी, प्रतियोगितामा सान्त्वना स्थान हासिल गर्दै राइनो स्पोर्टस् एकेडेमीका अजय तामाङले हङ्ग्री हन्टर जिभाओ साइकल जितेका छन् । प्रतियोगिताको संयोजक चितवन नवलपुर साइकल व्यवसायी संघले गरेको थियो ।
प्रतियोगितामा उद्योग वाणिज्य संघ चितवनका अध्यक्ष चुननारायण श्रेष्ठले राष्ट्रका लागि खेल, स्वास्थ्यका लागि खेल भएकाले स्वस्थ हुनका लागि साइकल चलाउनुपर्ने बताए ।
सो कार्यक्रममा चितवन नवलपुर साइकल व्यवसायी संघका अध्यक्ष गोपाल सापकोटाले साइकलको प्रवद्र्धन र फाइदाबारे बुझाउन स्लो साइकल रेसको आयोजना गरिएको बताए । प्रतियोगितामा ६० जना प्रतियोगिताहरु सहभागी थिए । कार्यक्रम सञ्चालन गर्नुअघि आइतबार पोखरामा भएको विमान दुर्घटनामा ज्यान गुमाउनेहरुप्रति श्रद्धाञ्जलि अर्पण गरिएको थियो ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.