चितवन । चितवन सहायता कोष (क्याट) बेल्जियमले देवघाटको कुटीहरुमा रहेका जेष्ठ नागरिक र बालिकाहरुलाई नगद तथा खाद्य सामाग्री सहयोग गरेको छ ।
क्याटले भरतपुर महानगरपालिका वडा नम्बर १ देवघाटस्थित श्री रामजानकी बालिका आश्रम, कन्या गुरुकुल र तनहुँ तर्फ कुटीमा बस्दै आएका ४० जना जेष्ठ नागरिकलाई सहयोग गरेको हो। आश्रमलाई शुद्ध खानेपानीका लागि युरो गार्ड जडान खर्च बापत ५० हजार र कुटीका जेष्ठ नागरिकलाई ५० हजार बराबरको खाद्यन्न सहयोग गरिएको हो ।
हस्तान्तरण कार्यक्रममा बोल्दै देवघाट गाउँपालिकाका अध्यक्ष तिलबहादुर थापा कुटीमा जीवन बिताईरहेका वृद्धाहरुलाई सहयोग गर्नु मानवीय कार्यको उत्कृष्ट उदाहरण भएको बताउनुभयो । क्याट बेल्जियमका उपाध्यक्ष ईश्वरीप्रसाद कंडेलको अध्यक्षतामा भएको सो कार्यक्रममा ईन्दिरा आश्रमका महन्त ईश्वरानन्द सरस्वती, क्याट बेल्जियमका पूर्व सचिव विश्वराज अर्याल लगायतले बोल्नुभएको थियो । आगामी दिनहरुमा पनि संस्थाले देवघाटमा सहयोग गर्दै जाने प्रतिबद्धता व्यक्त गरेको छ ।
क्याट बेल्जियमले यसअघि पनि देवघाटसँगै चितवनका विभिन्न पिछडिएका समुदाय र क्षेत्रमा सहयोग गर्दै आएको चितवन सहायता समाजकी सचिव सिर्जना अर्यालले बताउनु भयो ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.